Astana ákimdigi turǵyndardy turǵyn úı satyp alýda muqııat bolýǵa shaqyrady
ASTANA. QazAqparat - Elorda ákimdigi elorda turǵyndary men qonaqtarynyń tirshiligin qamtamasyz etý men yńǵaıly ómir súrý máselelerine erekshe kóńil bólýde. Sonymen qatar, únemi baqylaýdy qajet etetin keıbir suraqtar bar, solardyń biri - turǵyn úı qurylysy salasy, dep haabrlady astana.gov.kz.
Qazirgi tańda qalanyń turǵyn úı qory 18,1 mln. sharshy metrdi quraıdy. Astanany kóshirgen kezden bastap turǵyn úı qory 14,0 mln. sharshy metrge artty. 2005 jyldan bastap qalada jyl saıyn 1 mln. sharshy metrden artyq turǵyn úı paıdalanýǵa beriledi. Alǵashqy jarty jyldyqta 942 myń sharshy metr turǵyn úı paıdalanýǵa berildi (byltyrǵy jyldyń osy ýaqytyna qaraǵanda 1,8 ese ósken). Búginde jalpy kólemi 9,0 mln. sharshy metr bolatyn 341 nysan salynýda, al, 11,2 mln. sharshy metrlik 482 nysan jobalaý ústinde.
Alaıda, zańdy negizi joq bola tura azamattardan turǵyn úıler salýǵa qarjy jınaıtyn jekelegen qurylys jáne basqa da uıymdardyń qyzmet isteý faktileri kezdesedi. Jyljymaıtyn múlikke qarjy salǵan adamdar nysan qurylysy júrgizilmegen nemese qurylys qarqyny tómen faktilerge tap bolady. Osy oraıda birqatar kompanııalar boıynsha qylmystyq is qozǵalǵan.
Osyndaı jaǵdaıdyń ár birin qala ákimdigi erekshe baqylaýǵa alyp, qurylys salýshylar men azamattardan qurylǵan bastamashyl toptarmen kúndelikti jumystar júrgizilýde.
Budan bólek, aǵymdaǵy jyldyń basynan beri 611 qurylys kompanııasynyń basshylarynan kepildik hattar alyndy, sonymen qatar, 48 turǵyn úı qurylys kooperatıvteri tóraǵalarynyń qatysýymen jınalys ótti. Osy turǵydan alǵanda turǵyndardyń keıbiri turǵyn úıdiń ýaqytyly salynbaýyna baılanysty narazylyq bildirip jatady.
Ókinishke oraı, búgingi tańda azamattar bastama jasap, quziretti organdarmen kelisilmegen sharalar qoldanatyn jaǵdaılar da kezdesedi. Qazaqstan Respýblıkasynyń «Beıbit jıyndar, sherýler, pıketter ótkizý jáne uıymdastyrý tártibi týraly» Zańynda atalǵan sharalardy jergilikti atqarýshy organdarmen kelisý tártibi qarastyrylǵan. Atalǵan Zań talaptaryn oryndamaý sáıkesinshe ákimshilik jáne qylmystyq jaýapkeshilikke ákelip soǵady. Sonymen birge jalǵan aqparat taratqany úshin de qylmystyq jaýapkershilik qarastyrylady.
Osyǵan baılanysty, elorda ákimdigi qala turǵyndary men qonaqtaryn oılanbaı qabyldanǵan sheshimder men Qazaqstan Respýblıkasynyń zańnamasyna qarsy áreketterge barmaýdy eskertedi.
