Astana ákimdigi turǵyndardy demalys kúnderi qala syrtyna shyqpaýǵa shaqyrdy

ASTANA. QazAqparat - Sınoptıkterdiń boljamynsha, demalys kúnderi elordada qarly boran, kóktaıǵaq bolady jáne temperatýra tómendeıdi. Qutqarýshylar turǵyndardan qala syrtyna shyqpaýdy suraıdy, dep habarlaıdy QazAqparat ákimdiktiń resmı saıtyna silteme jasap.

«Qazgıdromet» sınoptıkteriniń málimetinshe, 26 jáne 27 qarashada Astanada aýa temperatýrasy kúndiz - 22-24 aıaz, túnde -30 -32 gradýsqa deıin tómendeıdi.

Búgin, 25 qarashada qalada qarly boran, qatty jaýyn-shashyn jáne ekpindi jel bar.

Aýa raıynyń nasharlaýyna, kórinistiń shektelýine, aýa temperatýrasynyń tómendeýine baılanysty Astana qalasynyń tótenshe jaǵdaılar departamenti elorda turǵyndary men qonaqtaryn kún raıynyń ózgerýi jáne engizilgen shekteýler týraly meteorologııalyq qorytyndylardy (onyń ishinde Darmen qosymshasy arqyly) qadaǵalaýǵa, qala shetine shyqpaı, saq bolýǵa shaqyrady.

Tótenshe jaǵdaı týyndaǵanda «112» telefonyna qońyraý shalý kerek.

Esterińizge sala keteıik, búgin tańerteń elorda kósheleriniń qaryn kúreýge 2,5 myńǵa jýyq jumysshy shyǵyp, 1 myńnan astam arnaıy tehnıka jumyldyrylǵan.

Foto:gov.kz