Astana ákimdigi «ShanyraqStroı KZ» JShS «Aq Jar» TK zańǵa qaıshy páterler satyp jatqany týraly jarnama jarııalaǵanyn eskertedi
Astana ákimdigi «ShanyraqStroı KZ» JShS «Aq Jar» TK zańǵa qaıshy páterler satyp jatqany týraly zańsyz jarnama jarııalanǵany týraly eskertedi
ASTANA. QazAqparat - Astana qalasynyń ákimdigi qala turǵyndaryna «Krysha.kz», «O dome.kz» saıttarynda «ShanyraqStroı KZ» JShS J. Nájimedenov jáne A 52 kósheleriniń qıylysynda ornalasqan «Aq Jar» TK «Turǵyn úı qurylysyna úlestik qatysý týraly» zańǵa qaıshy páterler satyp jatqany týraly aqparattyń jarııalanǵanyn habarlaıdy.
Qalanyń resmı saıtynyń jazýynsha, bul kompanııada tek zertteý jumystaryna tekserý júrgizýge jáne jobalaýǵa berilgen 2014 jylǵy 2 qyrkúıektegi № 197-1453 qaýly ǵana bar. Sonymen qatar, atalǵan turǵyn úı kesheniniń qurylysyn júrgizýge ruqsat qujattarynyń jáne úleskerlerdiń qarjysyn tartýǵa lıtsenzııanyń bolmaýyna baılanysty kompanııanyń baspanalar satýǵa quqyǵy joq.
2015 jylǵy 12 maýsymda turǵyn úı qurylysyna úlestik qatysý máselesi jóninde ótken Mekemearalyq komıssııanyń otyrysynda Astana qalasy ákimdiginiń ókiletti organdary QR zańnamasymen belgilengen tártipte «ShanyraqStroı KZ» JShS basshysyna tıisti shara qoldaný úshin málimetterdi Astana qalasynyń Іshki ister departamentine jáne Astana qalasy boıynsha memlekettik kirister departamentine jiberýdi usyndy.
«Tsentr prodaj №1» jáne «Dom v Astane» qurylys salýshylarynyń satý bólimderiniń basshylary turǵyn úı kesheniniń qurylysyn júrgizýge ruqsat qujattary jáne úleskerlerdiń qarjysyn tartýǵa lıtsenzııasy joq, ıaǵnı Qazaqstan Respýblıkasynyń «Turǵyn úı qurylysyna úlestik qatysý týraly» zańyna jáne Qazaqstan Respýblıkasynyń «Sáýlet, qala qurylysy jáne qurylys qyzmeti týraly» zańyna qaıshy keletin qurylys salýshylardyń baspanalar satý týraly jarnamasyn jarııalaǵany úshin jaýapkershilik júkteletini týraly habardar etildi.
