Astana ákimdigi saılaý ýchaskeleri týraly málimetter alýǵa bolatyn Baılanys ortalyǵyn qurdy
ASTANA. 6 jeltoqsan. QazAqparat /Gúlmıra Alıakparova/ - Aldaǵy jyldyń 15-16 qańtarynda QR Parlamentiniń Májilisine jáne jergilikti ókiletti organdar - máslıhattarǵa depýtattardy saılaý ótedi.
Osy oraıda, Astana qalasynyń ákimdigi turǵyndar úshin saılaý ýchaskeleri týraly aqparattar alýǵa bolatyn Baılanys ortalyǵyn qurdy.
Saılaýshylardyń tizimin naqtylaý maqsatynda sondaı-aq, qala turǵyndarynyń qosymsha suraqtary úshin qurylǵan Baılanys ortalyǵynyń telefon nómiri (7172)55 75 75. Aqparattyq qyzmet kúndelikti tańerteńgi saǵat 09.00-den keshki 20.00-ge deıin jumys isteıdi. Demalys jáne mereke kúnderi - 10.00-den 20.00-ge deıin.
Operatorlarǵa qońyraý shalý arqyly saılaýshylar qaı saılaý ýchaskesine qaraıtyndyǵyn ońaı jáne jyldam anyqtaı alady sondaı-aq, «Saılaý ýchaskesin izdeý» elektrondy qyzmeti arqyly onyń baılanys málimetterin surata alady. Suratylǵan aqparat tabylmaǵan, ne qate bolǵan jaǵdaıda Halyqqa qyzmet kórsetý ortalyǵyna baryp, meken-jaı týraly málimetterdi anyqtaý qajet.
Onymen birge, elordalyqtar saılaý ýchaskeleriniń shekaralary men olardyń ornalasqan meken-jaılaryn elektrondy kartadan kóre alady: maps.astana.kz/election.htm .
Halyqqa qyzmet kórsetý ortalyǵyna usynylýy tıis qujattar: jeke basty kýálandyratyn qujat jáne úı kitapshasynyń túpnusqasy.
