Astana ákimdigi ózen jaǵalaýyna qurylǵylar ne úshin ornatylǵandyǵyn túsindirdi
ASTANA. QazAqparat - Áleýmettik jeli qoldanýshylary elordadaǵy Esil ózeni jaǵalaýynda ornalastyrylǵan konstrýktsııalardyń sýretterin jarııalap, olarǵa qatysty syn-eskertpelerin bildirdi, dep habarlaıdy QazAqparat.
Levon Georgievich esimdi azamat «Astana - Ne? Qaıda? Qashan?» atty topqa jaǵalaýda paıda bolǵan konstrýktsııalardyń sýretin jarııalady. Osydan soń jeli qoldanýshylary tarapynan «Ot shashýlardy qalaı tamashalımyz?», «Barlyǵyn qorshap tastady», degen syńaıdaǵy synı pikirler birinen soń biri aıtylyp jatty.
Al keshirek elorda ákimdiginiń saıtynda jaǵalaýda ornalasqan qurylǵylar týraly tolyqqandy aqparat jaryq kórdi.
«Astanada mundaı mazmundaǵy kórkemdeý jumystary osyǵan deıin boldy, al jańa qaqpa kólemi jaǵynan bıikteý bolady ári túrli-tústi túske enip, ózgerip otyrady. Ortalyq jaǵalaýdaǵy túsi tez qubylyp, ózgerip otyratyn jáne dybysy bar ıllıýmınatsııanyń uzyndyǵy 100 metrden asady. Qaqpa «Astana nury» meıramhanasynyń tusynan bastalady»,-delingen habarlamada.
Sonymen qatar merdiger kompanııa ókilderiniń aıtýy boıynsha, qaqpa jaǵalaýdyń barlyǵyn qamtymaıdy. 95% keńistik ashyq turady. Qys mezgilinde qaqpanyń túsi basqa reńkke enedi.
«Jańadan ornatylatyn konstrýktsııa qala turǵyndary men qonaqtaryna erekshe kóńil-kúı syılaıtyny sózsiz»,-delingen taratylǵan aqparatta.
