Astana ákimdigi Naýryz meıramyna oraı baıqaý jarııalady
«Astana Naýryzy 2019» qalalyq baıqaýyn elorda ákimdigi uıymdastyryp otyr.
«Oǵan aýdandyq ákimdikter, basqarmalar, aktsıonerlik qoǵamdar, memlekettik kommýnaldyq qazynalyq kásiporyndar, jaýapkershiligi shekteýli seriktestikter, qoǵamdyq birlestikter, saýda, oıyn-saýyq ortalyqtary, bıznes ortalyqtary, BAQ jáne áleýmettik jelilerdiń paıdalanýshylary qatysa alady», - delingen ákimdiktiń resmı saıtyndaǵy aqparatta.
Qatysýshylar kıiz úıdi ulttyq naqyshta bezendirý, Naýryz meıramyn qarsy alý rásimderin kórsetý (Naýryz jyryn aıtý, sálemdesý, kórisý, keshirim jasaý, qaıyrymdylyq kórsetý), meıramǵa arnalǵan baǵdarlama uıymdastyrý, ulttyq taǵamdardy usyný sııaqty saıystarda baq talastyratyn bolady.
«Olardyń kıimderi qazirgi zaman talabyna saı ulttyq naqyshta, jarasymdy, etıkalyq, estıtıkalyq talǵamda bolýy kerek», - deıdi uıymdastyrýshylar.
Al BAQ ókilderi men áleýmettik jelilerdiń paıdalanýshylary óz materıaldary (úzdik sıýjetter, baǵdarlamalar, rolıkter, maqalalar, #AstanaNaýryzy2019 heshtegi boıynsha jarııalanǵan posttar) arqyly Naýryz meıramyn nasıhattaýy tıis.
14-22 naýryz aralyǵynda konkýrs carapshylary mekemelerdi aralap, joǵaryda kórsetilgen sharttarǵa sáıkes olarǵa baǵa beretin bolady. Baıqaý qorytyndysy 29 naýryzda saltanatty is-shara barysynda anyqtalady. Jeńimpazdar men júldegerler dıplomdarmen, baǵaly syılyqtarmen marapattalady.
