Astana ákimdigi naryqta senimsiz merdiger kompanııalardyń paıda bolǵanyn habarlady
ASTANA. QazAqparat - Astana ákimdigi jyljymaıtyn múlik satyp alýshylaryn elordada senimsiz merdiger kompanııalardyń paıda bolǵanyn aıtyp, eskertedi.
Ákim apparatynyń baspasóz qyzmeti habarlaǵandaı, búginde elorda naryǵynda óz qyzmetterin usynyp, páterlerdi satýdy júzege asyratyn merdiger (qurylys) kompanııalar kóp.
«Jyljymaıtyn múlikti satyp alýda Qazaqstan Respýblıkasynyń «Turǵyn úı qurylysyna úlestik qatysý týraly» Zańynyń normalaryn bilý kerek. Soǵan sáıkes merdiger turǵyn úı ǵımarattaryn salý tájirıbesin meńgerýi mindetti, sonyń ishinde tapsyrys berýshi retinde QR zańnamasynyń tártibimen kórsetilgendeı, úsh jydan beri kem degende júz páterdi tapsyrǵan bolýy kerek, júz myń AEK mólsherinde jeke kapıtaly bolýy tıis, úleskerlerdi tartý esebine turǵyn úı ǵımarattarynyń qurylysyn uıymdastyrý boıynsha qyzmetine lıtsenzııasy bolýy kerek. Úleskerlerdiń aqshasyn tartý arqyly turǵyn úı ǵımarattarynyń qurylysyn uıymdastyrý qyzmetiniń lıtsenzııasy eki kezeńde beriledi», - dep túsindirdi baspasóz qyzmetinde.
Jyljymaıtyn múlik satyp alýshylaryna merdigerdiń jobalyq kompanııa men merdigerdiń ataýy men ornalasqan jeri, merdigerdiń qurýshysy men zańdy tulǵanyń kórsetýimen jeke tulǵanyń aty, tegi men ákesiniń aty kórsetilgen málimetter, zańdy tulǵalar - merdiger men jobalyq kompanııanyń memlekettik tirkeýi týraly anyqtamalar, salyq tóleýshiniń kýáligi, turǵyn úı qurylysynda merdiger men jobalaýshy kompanııanyń kásipkerlik qyzmetti atqarǵany týraly sońǵy jylǵy aýdıtorlyq qorytyndysy, joblaýshy kompanııanyń úleskerlerdiń aqshasyn tartý esebine turǵyn úı qurylysyn uıymdastyrý boıynsha qyzmetine lıtsenzııasy týraly málimetter bolýy kerek. Onda merdiger úsh jyl kóleminde júzege asyrǵan turǵyn úı ǵımarattarynyń qurylysy jobasy týraly, atalǵan nysandardyń orny men olardyń paıdalanýǵa berilgen merzimi, jer ýchaskesine jobalaýshy kompanııanyń nemese merdigerdiń sáıkes quqyǵyn rastaıtyn qurylys nysany týraly qujattar kórsetilýi kerek.
Osy kúni kez kelgen azamat Astana qalasynyń ákimdigine baryp, qurylysty júrgizýshi kompanııa týraly bile alady. Ol aqparat Sáýlet jáne qala qurylysy basqarmasynyń málimetter bazasynda bar.
Qazaqstannyń Qurylysshylar qaýymdastyǵynda habarlaǵandaı, 2014 jyly elordanyń jyljymaıtyn múlik naryǵynda «Ál-barakat» kompanııasy paıda boldy. Qurylys kompanııasy turǵyn úılerdi salý men olardy satýdy naryqta qalyptasqan 1 sharshy metrdi júzege asyrý baǵasynan birneshe ese tómendetýdi josparlap otyr. «Ál-barakattyń» tólem júıesi - bul bastapqy paıyzsyz jarna tóleý kezinde paıyzsyz uzaq merzimge berý. Úlesker ınvestıtsııalaý kelisimshartyndaǵy jalpy somadan 25 paıyz mólsherindegi bastapqy jarnany engizip, qalǵanyn 5 jylǵa deıin merzimge alady. Keıbir páterler Ál-barakattyń «Bárine arnalǵan baspana» áleýmettik baǵdarlamasy boıynsha júzege asyrylady. Qurylys merziminiń bastalýy men tapsyrylatyn merzimi únemi bas jospardyń túzetýler men ruqsat etetin qujattarynyń bolmaýyna baılanysty keıinge qaldyrylady.
Bul kompanııa «Sharja» jáne «Praga» turǵyn úı keshenderinde ınvestıtsııalaý kelisimsharttaryn jasaıdy, dep kórsetilgen baspasóz qyzmetiniń habarlamasynda.
Sonymen birge, atap ketetini, «Sharja» turǵyn úı kesheni boıynsha, merdigerdiń qurylysty júrgizýge ruqsat etetin qujattary bolmaı shyqty, merdigerdiń eskızdik jobasynda jalǵan qol qoıý jáne mór basý faktileri anyqtaldy. Al Astana qalasynyń Sáýlet jáne qala qurylysy basqarmasynyń málimetter bazasynda eskızdik jobanyń bekitilgeni týraly málimetter joq.
«Sharja» TK qurylysyn júzege asyrý múmkin emes. Sebebi merdiger qurylys júrgizgeli otyrǵan jer ýchaskesiniń bóligi «Qoljetimdi baspana - 2020» memlekettik baǵdarlamasyn júzege asyrý aıasynla Astana qalasy ákimdigine qaraıtyn «Elorda damý» JShS-ǵa berilgen.
Qaýymdastyqtaǵylardyń atap kórsetýinshe, osylaısha áreket etip, Astana turǵyndaryn tómen baǵamen jańa baspanany satyp alý qııalyn qalyptastyryp, shatystyrǵan oqıǵalar bar. Ondaı jaǵdaılarda qurylys múlde bastalmaıdy, bolmasa qurylysy uzaqqa sozylady, bolmasa ýáde etilgendeı bolyp salynbaıdy. Saldarynan memleket pen basqa merdigerler osy sııaqty merdigerlerdiń mindetin atqarý jaýapkershiligin alýǵa májbúr.
Astana qalasynyń ákimdigi satyp alýshylardy saq bolýǵa shaqyrady. Barynsha tekserip, sodan keıin baryp sheshim qabyldaýǵa keńes beredi.
