Astana ákimdigi: Muz qalyńdamaı turyp balyq aýlaý - qaýipti
ASTANA. QazAqparat - Astana ákimdigi qala turǵyndaryn ózen arqyly óteletin ótkelderde jaıaý júrip jáne muz ústinde balyq aýlaýdan bas tartýǵa shaqyrady, dep habarlaıdy elorda ákimdiginiń medıa ortalyǵy.
Aýa temperatýrasynyń tómendeýine baılanysty Astananyń sý qoımalarynda muz beti juqa, soǵan qaramastan turǵyndar muz ústinde turyp balyq aýlaı bastady.
Osyǵan oraı qutqarýshylar sý beti tolyq qatpaıynsha balyq aýlaýdan bas tartyp, qaýipsizdik sharalaryn saqtaýǵa shaqyrady.
Qazirgi kúni muzdyń qalyńdyǵy birneshe santımetrdi ǵana quraıdy.
Muzdyń mundaı qabaty adamnyń salmaǵyn kótere almaı, sońy qaıǵyly jaǵdaıǵa ákelýi múmkin.
Qalalyq TJD qaıǵyly jaǵdaıdyń aldyn alý úshin balyqshylardy muz ústinde turyp balyq aýlaýdan bas tartýǵa jáne qala turǵyndary men qonaqtaryn ózendi muz ústimen júrip ótpeýge shaqyrady.
