Astana ákimdigi memlekettik turǵyn úı qorynan úı alýǵa muqtaj azamattardyń tizimin jarııalady

«Sizderdiń nazarlaryńyzǵa turǵyn úı komıssııasynyń otyrysy tórt sanat boıynsha úı berilýge muqtaj azamattardyń jeke tizimderi bekitilgenin jetkizemiz. Sondyqtan, «Uly Otan soǵysynyń ardagerleri men múgedekteri» jáne «eski úıler» sanatyndaǵy áleýmettik az qamtylǵan, áleýmettik qorǵalmaǵandardyń tiziminde turǵan azamattar basqa tizimge bólindi», - delingen qalalyq ákimshiliktiń baspasóz qyzmeti taratqan aqparatta.

Sonymen qatar, Astana qalasynyń ákimdigi azamattardyń nazaryna Qazaqstan Respýblıkasynyń «Turǵyn úı qatynastary» týraly zańyna sáıkes tizimde turǵan azamattar eger de úı berilý negizi alynyp tastalsa, olar memlekettik turǵyn úı qorynan úı alýǵa muqtaj azamattardyń tiziminen alynyp tastalýy múmkin ekendigin jetkizedi.