Astana ákimdigi membaǵdarlama boıynsha turǵyn úıdi satyp alýdyń sharttaryn túsindirdi

Bul baǵdarlama Elbasynyń 2014 jylǵy 11 qarashadaǵy «Nurly jol - bolashaqqa bastar jol» Joldaýynda sóz bolǵan turǵyn úı satý sharttarymen tolyqtyrylǵan bolatyn. Baǵdarlama sheńberinde turǵyn úılerdi satýdyń birneshe negizgi baǵyttary kózdelgen, onyń biri «Qazaqstandyq ıpotekalyq kompanııa» Ipotekalyq uıymy» aktsıonerlik qoǵamynyń turǵyn úılerin satý bolyp tabylady. 2015 jyly Astana qalasynda «Qazaqstandyq ıpotekalyq kompanııa» Ipotekalyq uıymy» aktsıonerlik qoǵamymen keıinnen satyp alýmen jaldamaly túrde satý úshin 86 páter kózdelgen, onyń ishinde: 1 shaǵyn top úshin: Eki bólmeli - 7 birlik, jalpy aýdany 53-ten 58 sh.m.-ge deıin.; Úsh bólmeli - 4 birlik, jalpy aýdany 76-dan 80 sh.m.-ge deıin.; Tórt bólmeli - 33 birlik, jalpy aýdany 94-ten 97 sh.m.-ge deıin.; 2 shaǵyn top úshin: Eki bólmeli - 6 birlik, jalpy aýdany 53-ten 58 sh.m.-ge deıin.; Úsh bólmeli - 4 birlik, jalpy aýdany 76-dan 80 sh.m.-ge deıin.; Tórt bólmeli - 32 birlik, jalpy aýdany 94-ten 97 sh.m.-ge deıin.; Keıinnen satyp alýmen jaldamaly turǵyn úı 20 jylǵa deıingi merzimge beriledi (kámeletke tolǵanǵa deıin ata-analarynan aıyrylǵan jıyrma toǵyz jasqa tolmaǵan jetim balalar men ata-anasynyń qamqorlyǵynsyz qalǵan balalar úshin jalǵa berý merzimi 30 jylǵa deıin uzartylýy múmkin), oǵan qosa shamamen jalǵa berý merzimi 5 jyldy quraıdy (bes jyl ótken soń jalǵa alýshynyń merziminen buryn satyp alýǵa quqyǵy bar). Qujattardy qabyldaý kezinde shýdy boldyrmaý maqsatynda jáne azamattardyń yńǵaılylyǵy úshin qujattardy qabyldaý e.astana.kz veb-portal arqyly (ótinish berýshiniń elektrondyq sandyq qoltańbasyn paıdalanýmen) iske asyrylatyn bolady. Qujattardy qabyldaý 2015 jylǵy 23 aqpannan bastap 1 naýryz (qosa alǵanǵanda) aralyǵynda júzege asyrylatyn bolady. Astana qalasynda «Qazaqstandyq ıpotekalyq kompanııa» Ipotekalyq uıymy» AQ turǵyn úıi» baǵyty boıynsha Baǵdarlamaǵa qatysýǵa quqyǵy bar azamattar sanaty Baǵdarlamaǵa sáıkes bul baǵytta Astana qalasynda kommýnaldyq turǵyn úı qorynan turǵyn úıge muqtajdylar kezeginde turǵan (kezektegiler) kelesi sanattar boıynsha azamattar ǵana qatysa alady: * kóp balaly otbasylar; * tolyq emes otbasylar; * múgedek balasy bar nemese ony tárbıelep otyrǵan otbasylar; * jetim balalar, ata-anasynyń qamqorlyǵynsyz qalǵan balalar; * oralmandar; * memlekettik qyzmetkerler, áskerı qyzmetkerler, arnaýly memlekettik organ qyzmetkreler, bıýdjettik uıym qyzmetkerleri. Bul baǵyttaǵy qatysýshylardy qalyptastyrý shaǵyn toptar jáne kelesi ólshemder boıynsha júrgiziletin bolady: 1 shaǵyn top - joǵaryda kórsetilgen sanatta kezekte turýshylar, keminde úsh jyl nekede turǵan, balalary bar jáne erli-zaıyptylardyń ekeýi de 35 jasqa tolmaǵan (Baǵdarlamaǵa qatysýǵa ótinish bergen sátke), balalaryn (balasyn) 35 jasqa tolmaǵan, onyń ishinde ajyrasqan, jesir ata-ananyń bireýi tárbıeleıtin tolyq emes otbasy; 2 shaǵyn top - joǵaryda kórsetilgen sanatta kezekte turýshylar, 1 shaǵyn topqa kirmeıtinder. Turǵyn úılerdi berý kelesi úılesim boıynsha iske asyrylady: 50% - 1 shaǵyn top úshin; 50% - 2 shaǵyn top úshin. Eger de azamattar turǵyn úıge muqtajdylar kezeginde Uly Otan soǵysynyń múgedekteri men qatysýshylaryna teńestirilgen adamdar; keıbir sozylmaly aýrýlardyń aýyr túrlerimen aýyratyn adamdar; memlekettik nemese qoǵamdyq mindetterin, áskerı qyzmetin oryndaý kezinde, ǵarysh keńistigine ushýdy daıyndaý nemese júzege asyrý kezinde, adam ómirin qutqarý kezinde, quqyq tártibin qorǵaý kezinde qaza tapqan adamdardyń otbasylary; 1 jáne 2 toptaǵy múgedekter; Uly Otan soǵysynyń múgedekteri men qatysýshylary; ekologııalyq zilzalalar, tabıǵı jáne tehnogendi sıpattaǵy tótenshe jaǵdaılar saldarynan turǵyn úıinen aıyrylǵan adamdar; jalǵyz turǵyn úıi Qazaqstan Respýblıkasynyń zańnamasynda belgilengen tártippen avarııalyq jaǵdaıda dep tanylǵan adamdar sanattary boıynsha turǵan bolsa, olar bul baǵytty iske asyrýda qatysa almaıdy. Ótinish berýshilerge (úmitkerlerge) qoıylatyn negizgi talaptar 1. Zańǵa sáıkes turǵyn úıge muqtaj kezekte turýshy mártebesin dáleldeý; *- Qazaqstan Respýblıkasy azamattyǵy nemese oralman mártebesiniń bar bolýy; - ótinish berýshi men onyń otbasy músheleriniń Astana qalasynda mekenjaı boıynsha turaqty tirkeýde bar bolýy; - Baǵdarlamaǵa qatysýshyda jáne onymen turaqty birge turatyn otbasy múshelerinde (erli-zaıypty, kámeletke tolmaǵan balalary), sondaı-aq ótinishti kórsetilgen jáne otbasy quramyna engizilgen basqa otbasy múshelerinde Qazaqstan Respýblıkasy aýmaǵynda keıinnen satyp alýmen jaldamaly turǵyn úıi nemese menshik quqyǵynda (ótinishte kórsetilgen basqa da otbasy múshelerinde bir turǵyn úı retinle jalpy birlesken menshiginde, jalpy birlesken menshikti quraıtyn úlestik menshikte úlesi) turǵyn úıi joq bolýy; - Baǵdarlamaǵa qatysýshyda jáne onymen birge turaqty turatyn otbasy múshelerinde (erli-zaıypty, kámeletke tolmaǵan balalary), sondaı-aq otbasy quramyna engizilgen jáne ótinishte kórsetilgen basqa da otbasy múshelerinde Qazaqstan Respýblıkasynyń aýmaǵynda ózine menshik quqyǵymen tıesili turǵyn úı-jaıyn aýystyrǵany nemese ıelikten shyǵarýy nátıjesinde sońǵy bes jyldyń ishinde qasaqana nasharlatýy saldarynan muqtajǵa aınalý faktisiniń joq bolýy. 2. Turǵyn úıdi satyp alýdyń sharttary boıynsha, keıinnen satyp alýmen jáne satyp alýsyz jalǵa alýǵa tıisti kiristerimen mindettemelerdi oryndaý múmkindigin dáleldeý (tólem qabilettiligin baǵalaý). Astana qalasy ákimdiginiń «Elektrondyq qyzmet» (e.astana.kz) portaly arqyly qatysýshylarmen ótinish jáne qujattar tapsyrýy Ótinish tapsyrý úshin tómendegi qajet: - ótinish berýshiniń ESQ kýálandyrylǵan, elektrondyq qujat nysanyndaǵy suranys; - neke qııý (nekeni buzý týraly) týraly (2008 jylǵy 1 maýsymǵa deıingi), otbasy músheleriniń qaıtys bolýy týraly (2007 jylǵy 13 tamyzǵa deıingi), balanyń týýy týraly (2007 jylǵy 13 tamyzǵa deıingi) kýálikteriniń elektrondyq kóshirmesi; - ótinish berýshiniń jumys ornynan anyqtamanyń elektrondyq kóshirmesi; - ótinish berýshiniń jumys ornynan ótinish berýshimen kiris alynǵandyǵyn rastaıtyn anyqtamanyń elektrondyq kóshirmesi. Memlekettik elektrondyq aqparattyq resýrs bolyp tabylatyn qujattardyń kelesi málimetterin ótinish berýshi memlekettik organdardyń ýákiletti tulǵalarynyń ESQ kýálandyrylǵan elektrondyq qujattar nysanynda tıisti memlekettik aqparattyq júıeden alady: * ótinish berýshiniń jeke basyn kýálandyratyn málimetter; * neke qııý (nekeni buzý týraly) týraly (2008 jylǵy 1 maýsymǵa deıingi), otbasy músheleriniń qaıtys bolýy týraly (2007 jylǵy 13 tamyzǵa deıingi), balanyń týýy týraly (2007 jylǵy 13 tamyzǵa deıingi) málimetter; * ótinish berýshide jáne onymen birge turaqty turatyn otbasy múshelerinde Qazaqstan Respýblıkasy aýmaǵynda menshik quqyǵynda nemese keıinnen satyp alý quqyǵymen jaldamaly turǵyn úıi bar bolýy nemese joq bolýy týraly málimet; * ótinish berýshiniń jáne onymen birge turaqty turatyn otbasy músheleriniń Astana qalasynda turatynyn rastaıtyn tirkeý jónindegi málimet; * otbasy múshesinde múgedektiligi bar bolýyn rastaıtyn málimet; * Baǵdarlamaǵa qatysýǵa ótinish bergen sátten bastap kezek nómirin kórsetýmen turǵyn úıge muqtajdylar kezeginde turýy týraly málimet. Sonymen qatar, qajet bolǵan jaǵdaıda Astana qalasynyń Turǵyn úı basqarmasynyń qyzmetkerlerimen azamattar qosymsha qujattardy usyný úshin shaqyrylýy múmkin. Otbasy quramy (otbasy músheleri sany) ótinish etken páter aýdanyna áser etpeıdi, úmitkerler óz qalaýy boıynsha múmkindiginshe páter túrin kórsetedi. Qatysýshylar arasyndaǵy irikteý turǵyn úı komıssııasymen turǵyn úıge muqtajdylar esebi tizimine jáne sol kezekke turǵan kúnine sáıkes júrgiziledi. Oǵan qosa, qabyldanǵan qujattar negizinde kommýnaldyq turǵyn úı qorynan turǵyn úıge muqtajdylar kezegindegi azamattar tizimine túgendeý boıynsha jumystar júrgiziletin bolady. Eger de kezekte turýshymen QR boıynsha turǵyn úı satyp alǵany anyqtalatyn bolsa nemese turǵyn úıdi ıelikten shyǵarý faktisi bolsa ne bolmasa ótinish bergen kezde sanaty bolmaǵan jaǵdaıda, onda azamat kommýnaldyq turǵyn úı qorynan turǵyn úıge muqtajdylar kezeginen shyǵarylýǵa jatady. Baǵdarlama aıasynda menshikke Baǵdarlamanyń barlyq baǵyttary jáne Qazaqstannyń barlyq óńirleri boıynsha 1 ǵana birlik turǵyn úı nemese keıinnen satyp alý quqyǵymen jaldamaly turǵyn úı satyp alýǵa bolady. Jalǵa berý tólemi jáne olardyń esep aıyrysý somasyna qatysty suraqtar týyndaǵan jaǵdaıda «Qazaqstandyq ıpotekalyq kompanııa» Ipotekalyq uıymy» AQ ókildigine kelesi telefon nomerleri boıynsha habarlasý qajet: 79 90 73 (2201 ishki), 79 90 72 (2204 ishki), 79 90 70, 79 90 74, 79 90 75, 8(701) 9992145, 8(701)7789846.