Astana ákimdigi mektep oqýlyqtarynyń tapshylyǵy neden týyndaǵanyn túsindirdi
ASTANA. QazAqparat - Astana qalasynyń bilim basqarmasy mektepterde oqýlyqtardyń jetispeýshiligin túsindirdi, dep habarlaıdy QazAqparat.
Ákimdik habarlamasynda oqýlyqtardyń Astana qalasynda emes, Almatyda shyǵarylatyny aıtylady. Tipti Nazarbaev mektepteriniń kitaptary da Almatyda basylyp shyǵady eken.
«Búgingi tańda keshiktirýdiń sebebi oqýlyqtar bar vagondar kelisimsharttarda kórsetilgen merzimnen keshirek jiberilgen bolatyn. Tipti Nazarbaev mektepteriniń kitaptary da Almatyda basylyp shyǵady. Barlyq derekterdi jınaǵannan keıin, osy aptada vagondardyń sońǵy partııasy kelip, senbide barlyq mektepter qamtamasyz etiletinin aıta alamyn. Bul, árıne, bizdi aqtamaıdy. Men jaǵdaıdy naqtylaý úshin jazyp otyrmyn. Biz bundaı jaǵdaıdy kútken joqpyz. Bul bolashaqta biz úshin sabaq bolyp qalady», - dep jazylǵan áleýmettik jelidegi habarlamada.
