Astana ákimdigi «Magıstralnyı» TK qurylysshylarynyń zańsyz áreketin áshkereledi
ASTANA. QazAqparat - Astanada alaqol qurylysshylardyń saldarynan ınvestorlar japa shekti. Atap aıtqanda qurylys kompanııalar bile tura kólik turaǵyn zańsyz salyp, satyp jibergen, aldanǵan ınvestorlar elordalyq ákimdikke kómekke júgindi.
Bul týraly qala ákimdiginińresmı saıty habarlaıdy.
Astana qalasynyń Memlekettik sáýlet-qurylys baqylaý basqarmasymen Astana q. B. Momyshuly kóshesi boıynsha ornalasqan «Magıstralnyı» TK-de jospardan tys tekserý júrgizildi. Atalmysh turǵyn keshendi «ATLANT INJIRING» JShS jáne «Kompanııa «Saryarqa-Qurylys» JShS salǵan.
Tekserý barysynda birinshi qabattaǵy jerasty parkınginiń ornynda keńistikti bóletin arnaıy qurylǵylar anyqtaldy, bul óz aldyna sáýlet, qala qurylysy jáne qurylys qyzmetiniń salasynda buzýshylyq bolyp tabylady. Mamandardyń pikirinshe, bul - jobanyń bekitilgen eskız sulbasynyń jáne memlekettik saraptamadan ótkizilgen jumys jobasynyń buzylýy.
Anyqtalǵan faktilerdiń negizinde qurylys ınspektorlaryna nysandy jobaǵa sáıkes qaıta qalpyna keltirý boıynsha uıǵarym berildi.
Alaıda memlekettik organnyń talabyna qurylys salýshylar zer salǵan joq. Qazirgi ýaqytta QR Kodeksiniń «ákimshilik quqyqbuzýshylyq týraly» 462 baby 3 bólimi boıynsha ákimshilik jaýapkershilikke tartý jóninde 2016 jyldyń 21 qazanyndaǵy Mamandandyrylǵan aýdanaralyq ákimshilik sotynyń uıǵarymy kúshine endi.
Bul fakti boıynsha qurylys salýshy qurylys-montajdaý jumystaryn júrgizý lıtsenzııasynan aıyryldy.
Uıǵarymdy oryndaý maqsatynda astanalyq Memlekettik sáýlet-qurylys baqylaý basqarmasymen Astana qalasynyń mamandandyrylǵan aýdanaralyq ekonomıkalyq sotyna zańsyz salynǵan qurylyǵylardy alyp tastaý talabymen qýynym joldandy, ol tolyǵymen qanaǵattandyryldy.
Aıta keteıik, qurylys salýshyǵa kólik turaǵyna qatysty qujattyń jobasyna ózgeris engizý týraly ótinishi qanaǵattandyrylǵan joq. Degenmen kompanııa qoıylǵan tyıymdarǵa qaramastan buzýshylyqtarǵa jol berdi.
Esterińizge sala keteıik, úleskerlikpen qurylys júrgizý máselesi Astana qalasynyń ákimdiginiń qatań baqylaýynda.
