Astana ákimdigi kókónis qoımasyndaǵy órt kezinde qaza tapqandardyń otbasylaryna kómek kórsetýde

dep habarlady   qalalyq ákimshiliktiń baspasóz qyzmetinen.

 Memleket basshysynyń tapsyrmasyna sáıkes, órttiń shyǵý sebepterin anyqtaý boıynsha qurylǵan memlekettik komıssııa quramyna Astana qalasy ákiminiń orynbasary Vasılıı Krylov kirdi. Ol jerleýdi uıymdastyrý jáne zardap shekkender otbasylaryna materıaldyq ári moraldyq kómek berý jónindegi máselelerdi qadaǵalaıdy.

 Astana qalasynyń Tótenshe jaǵdaılar jónindegi departamentinde jáne Qazaqstan   Respýblıkasy  Eńbek jáne halyqty áleýmettik qorǵaý mınıstrliginiń elordalyq  departamentinde qaza bolǵandardyń jaqyndary men týystary óz jaqyndary týraly tolyq aqparat bile alatyn telefon jelileri turaqty jumys isteıdi.

 Telefon nómirleri: Astana qalasy boıynsha TJ departamenti  - 32-69-73, 32-83-44; QR eńbek jáne halyqty áleýmettik qorǵaý departamenti - 20-07-72.

Oqıǵa saldarynan 14 adam tilsiz jaý qurbany bolǵanyn, onyń ishinde 5  - áıel adam, 9 - er adam ekenin   QazAqparat  budan buryn habarlaǵan  bolatyn.     Órt qurbandarynyń  tizimi  Astana ákimdiginiń  resmı saıtynda  jarııalanyp otyr.

 Órt bolǵan nysan birinshi kezekte Astana qalasy Indýstrııalyq parkiniń logıstıkalyq ortalyqty óndiristik-tehnıkalyq keshen qurylysy bolyp tabylady. Nysannyń birinshi kezegin 2010 jyldyń aqpan aıynda paıdalanýǵa berý josparlanǵan.

 Qurylystyń tapsyrys berýshisi «Astanaprom» JShS bolyp tabylady, al merdigeri -«Tranzıt Servıs-TG» JShS, bas jobalaýshy - «Logos» JShS.

 Astana qalasynyń ІІD tergeý basqarmasy QR QK 256 baby,2 bóligimen qarastyrylatyn, ıaǵnı «Órt qaýipsizdigi erejelerin buzǵandyǵynan adam ólimi jáne ózge de aýyr saldarǵa ákep soqqan» qylmystyq belgiler boıynsha qylmystyq is qozǵady.