Astana ákimdigi ІІD-ge «AlBarakat company» kompanııasyna qatysty málimdeme jiberdi
ASTANA. QazAqparat - Astana ákimdigi qalalyq ІІD-ge «AlBarakat company» qurylys kompanııasyna qatysty málimdeme jiberdi. Bul týraly búgin baspasóz máslıhatynda Astana qalalyq arhıtektýra jáne qala salý basqarmasy basshysynyń orynbasary Gúljan Kıvenova málimdedi.
Onyń aıtýynsha, vedomstvoaralyq komıssııanyń kezekti otyrysynda kompanııanyń páterlerdi ruqsat beretin qujattarsyz salyp júrgendigi anyqtalǵan.
«Bul aqparat bize Astana qalalyq qurylysshylar qaýymdastyǵynan kelip tústi. Sonymen qatar, bizge qala turǵyndary da kóp ret qońyraý shalyp, surastyrǵan bolatyn. Bul vedomstvoaralyq komıssııany qurýǵa negiz boldy. Biz «AlBarakat» JShS-na páterlerdi qoldanysqa berýdi toqtata turýdy usyndyq. Alaıda olardyń tarapynan eshqandaı áreket jasalmaǵandyqtan, qujattar jınalyp, qalalyq ІІD-ge odan ári isti qaraýǵa jiberildi", - dep atap ótti ol.
