Astana ákimdigi: Et alǵan kezde satýshylardan veterınarlyq anyqtamany talap etý kerek
ASTANA. QazAqparat - Astana qalasynyń aýyl sharýashylyq basqarmasy qala turǵyndary men qonaqtaryn mal sharýashylyǵy ónimderin satyp alý kezinde saq bolýǵa shaqyrady, dep habarlaıdy elorda ákimdiginiń baspasóz qyzmetinen.
«Qaýipsizdik maqsatynda ruqsat etilmegen jerlerden et, sút ónimderin satyp almaýǵa keńes beremiz.
Saýda nysandarynda mal sharýashylyǵy ónimderin satyp alý kezinde onyń densaýlyq úshin zııansyz ekendigine kóz jetkizý kerek. Satyp alýshylarǵa satýshylar veterınarlyq sertıfıkat pen zerthanalyq synaqtardyń qorytyndysyn kórsetýge mindetti», - dep jazylǵan habarlamada.
Et alǵan kezde satýshylardan malǵa qajetti vaktsınalardyń jasalǵandyǵy kórsetiletin veterınarlyq tólqujatty nemese veterınarlyq anyqtamany talap etý kerek.
Veterınarlyq dárigerler maldy soımas buryn ony aldymen tekseredi, sodan keıin zerthanalyq saraptamanyń nátıjeleri jazylǵan veterınarlyq anyqtama beredi. Maldy veterınarlyq-sanıtarlyq talaptardy saqtaı otyryp, tek ruqsat etilgen jerlerde ǵana soıý kerek. Qazirgi kezde Astanada mal soıýǵa arnalǵan úsh oryn bar.
