Astana ákimdigi eki kúmándi qurylys salýshylardy anyqtady
ASTANA. QazAqparat - Astana ákimdigi janyndaǵy jer komıssııasy elordalyq turǵyn úı naryǵynda jumys isteıtin eki qurylys salýshynyń ádildigine kúmán keltirýde.
Bul týraly Astana qalasy Sáýlet jáne qala qurylysy basqarmasy basshysynyń orynbasary Gúljan Kıvenova málim etti. Basqarma ókili kúdiktilerdiń esimderin atamady. Onyń aıtýynsha, olardyń nysandarynyń úleskerleri 20 adam.
«Ázirge kompanııanyń attaryn atamaımyz. Olarǵa qujattaryn sáıkestikke keltirýge ýaqyt berildi. Eger kelissóz esh nátıje bermese, onda nysandary boıynsha qujattar tıisti sheshimder qabyldaý úshin Astana qalalyq ІІD-ge beriletin bolady», - dedi ol.
