Astana ákimdigi bas tartqan qyzmettik kólikter kimderge beriledi

ASTANA. QazAqparat - Astana ákimdigi bas tartqan qyzmettik kólikter mektepter, aýrýhanalar men polıtsııaǵa beriledi. Bul týraly qala ákimdiginde ótken baspasóz máslıhatynda Astana qalalyq ortany regeneratsııalaý basqarmasynyń basshysy Ǵanı Isqalıev málim etti, dep habarlaıdy QazAqparat tilshisi.

«Biz qyrkúıek aıynan bastap kólik qyzmeti taksoparkterge beretin boldyq. Taksoparkterdiń kontsortsıým quraıtyn úsh kompanııasy bizge óz usynysyn bergen. Zańnamaǵa sáıkes, barlyq rásimderden ótip, biz osy kontsortsıýmdy jeke seriktes retinde taǵaıyndadyq. Jalpy, memlekettik jekeshelik áriptestik jobasy  boıynsha 5 jylǵa eseptelgen. Osy 5 jyldyń ishinde bizdiń memlekettik mindettemelerdiń jalpy somasy 2 mlrd 71 mln teńge quraıtyn bolady. ıAǵnı, qazirgi bizdegi aǵymdy shyǵyndardyń somasyn joq degende 20 paıyzǵa azaıtamyz. Naqty somalar boıynsha bizdiń bıýdjettik únem odan da joǵary  bolady degen oıdamyz», - deıdi.

Onyń aıtýynsha, osy jobanyń basqa da jaqsy jaqtary bar.

«Mysaly, 5 jyldyń ishinde qala ákimdigi jańa avtokólikterdi satyp almaıtyn bolady. Qazir qolymyzda bar, ákimdiktiń balansyndaǵy alpysqa jýyq avtokólikti biz polıtsııa qyzmetkerlerine, mektepterge, aýrýhanalarǵa beremiz. Sondyqtan osy rette de birshama bıýdjet qarajatyn únemdeýge qol jetkizemiz. Budan basqa qala ortalyǵynda ornalasqan «Avtosharýashylyq Astana» kompanııasynyń tehnıkalyq bazasy bizdiń qolymyzda qalyp otyr. Sol bazany memleket basqa maqsatta paıdalanatyn bolady. Bárimiz taksı qyzmetin paıdalanamyz», - dedi ol.

Eske sala ketsek, Buǵan deıin astanalyq ákimdiktiń 2018 jyldan bastap, taksı qoldaný boıynsha pılottyq jobaǵa aýysatyny habarlanǵan edi.