Astana ákimdigi aıazdy kúnderi sabaqtardyń bolatyn ne bolmaıtyndyǵy týraly bilýge bolatyn aqparat kózderin atady

Elorda ákimdiginiń baspasóz qyzmetinen málim etkendeı, ata-analar aıazdy kúnderi bilim berý mekemelerinde sabaqtyn bolatyn ne bolmaıtyndyǵyn «31 arnanyń» júgirtpe jolynan - birinshi aýysymda oqıtyndar úshin saǵat 6.45-ten 7.45-ke deıin shyǵatyn, ekinshi aýysymdaǵylar úshin 12.15-13.00 ýaqyt aralyǵynda shyǵatyn habarlandyrýlar arqyly bile alady.

Onymen birge, aqparattar «Delovaıa volna» radıosynan (103,2 ǴM), kúndelikti, tańerteńgi saǵat 9.00-de (jeksenbiden basqa kúnderi) aıtylady.

Oqýshylar men ata-analar sondaı-aq 118-1 (9.00-18.00), 325-006 nemese aqyly 169 telefon nómirlerine habarlasyp, bile alady.

Sonymen qatar baspasóz qyzmeti, kúnniń qandaı jaǵdaılarynda sabaqtardyń bolmaıtyndyǵyn anyqtap berdi: eger aýa temperatýrasy Tselsıı baǵany boıynsha -25 jáne odan tómen bolyp, jeldiń jyldamdyǵy sekýndyna 2 metrdi qurasa - 1-4 synyptar aralyǵynda sabaqtar bolmaıdy.

Jeldiń kúshi sekýndyna 2 metrdi, aýa temperatýrasy -30 jáne odan tómen bolsa, 1-9 synyptar aralyǵynda oqıtyn oqýshylar sabaqqa barmaıdy.

Eger termometr baǵany -35 jáne odan da tómen gradýsty kórsetse jáne jeldiń ekpini 2 m/s-ty qurasa, sabaqtar oqýshylar úshin ǵana emes, kásibı lıtseıler men kolledjderdiń 1-2 kýrs stýdentteri úshin de bolmaıdy.

Aıta keteıik, jeldiń jyldamdyǵy sekýndyna 2 metrden assa temperatýra -5 gradýsqa artady.