Astana ákimdigi avtobýs júrgizýshilerin ádepti sóıleýge úıretedi
ASTANA. QazAqparat - Astana ákimdigi avtobýs júrgizýshilerin elorda turǵyndaryn tasymaldaǵanda mádenıetti bolýǵa úıretedi. Bul týraly Astana ákimi Áset Isekeshev Facebook áleýmettik jelisinde jazdy, dep habarlaıdy «QazAqparat» HAA tilshisi.
«Avtobýs júrgizýshileri mádenıettilik deńgeıin kótermeıinshe, jumystan shyǵaramyz, jazalaımyz, úıretemiz», - dep jazdy Isekeshev.
Eske sala keteıik, 1 aqpan kúni saǵat 18:00 kezinde «Kóktem» saýda úıi aıaldamasynda ýaqyt aralyǵyna baılanysty № 120 jáne № 39 avtobýstary júrgizýshileri arasynda janjal oryn alǵan. № 39 baǵdardyń júrgizýshisi aıaldamadan qozǵala otyryp, qıylysqa qaraı júre bastaǵan kezde №120 qoǵamdyq kóligin basqaryp otyrǵan azamat qozǵalysqa kedergi jasaýǵa tyrysqan.
Osy oqıǵaǵa baılanysty qyzmettik tekserý júrgizilip, avtobýs júrgizýshilerinen túsinikteme alynǵan. Atap aıtqanda, qos taraptyń da jol erejesin buzǵandyǵy anyqtaldy. №39 baǵdardyń júrgizýshisine qatań sógis jarııalansa, №120 avtobýstyń júrgizýshisine qatysty jumysqa qaıta turý quqyǵynsyz eńbek kelisimsharty toqtatyldy.
