Astana ákimdigi áleýmettik azyq-túlik óndirýshilerdi jańa tásilmen qarjylandyrmaq

ASTANA. QazAqparat – Astana qalasy Investıtsııalar jáne kásipkerlikti damytý basqarmasy basshysynyń orynbasary Maqsat Jańabaev Óńirlik kommýnakatsııalar ortalyǵynda ótken brıfıngide elordada qolǵa alynǵan baǵany turaqtandyrýdyń tyń tásilderi týraly málimet berdi, dep habarlaıdy QazAqparat tilshisi.

«Úkimettiń tapsyrmasy boıynsha áleýmettik mańyzy bar azyq-túlik baǵasyn turaqtandyrý úshin jańa tásilder qolǵa alynyp jatyr. Jańa tásildiń negizgi mindetteriniń biri –maýsymaralyq kezeńde áleýmettik mańyzy bar azyq-túlik taýarlaryn belgilengen baǵamen satý úshin fermerlerge aldyn ala qarjy bólý. Sonyń aıasynda kúrish, qaraqumyq, kúnbaǵys maıy, un, makaron ónimderi, nan sııaqty taýar óndiretin otandyq kásiporyndardy qarjylandyrý kózdelgen. Qazirgi tańda ótinimderdi qaraý tásilderine tıisti ózgerister engizilip jatyr», - dedi ol.

Sondaı-aq et pen sút, kókónis óndirýshilermen de aldyn ala kelisimder jasalmaq.

«Et pen sút óndiretin otandyq óndirýshilerdi belgilengen baǵadan aspaý týraly ózara mindetteme aıasynda qarjylandyrý qarastyrylyp otyr. Kúzde alynatyn kókónisterdi kelisimsharttaý maqsatynda otandyq taýar ónidrýshilerdi forvardtyq qarjylandyrýdy kózdeıtin ózgerister engizildi.

Baǵanyń kúrt ósýine jol bermeý úshin aqpan-sáýir aılarynda jalpy kólemi 8 myń tonna kókóniske ınterventsııa ótkizildi. Sonyń arqasynda baǵalar 5-10 paıyz tómendedi», - dedi Maqsat Jańabaev.