Astana ákimdigi aldyndaǵy alańda ótetin merekelik kontsertti 20 myńnan astam adam tamashalaıdy dep kútilýde
Bul týraly astana.kz saıtyna qalalyq Mádenıet basqarmasynan habarlady.
Merekelik is-sharaǵa qazaqstandyq estrada juldyzdary: «Jigitter» toby, Marjan Arapbaeva, «Dabyl» toby, Jadı, Medet Shaıkenov, Rýstem Júginisov, «Retro» toby, «Jalyn» toby jáne t.b. qatysady. Іs-sharaǵa 20 myńnan astam adam keledi dep kútilýde. Al qazirgi ýaqytta osy alańda Saryarqa aýdanynyń ákimdigi uıymdastyrǵan halyqtyq serýen ótýde.
Aıta keteıik, Astanada merekelik is-sharalar 23 naýryzǵa deıin jalǵasady. Nazarbaev ortalyǵynda QR eńbek sińirgen qaıratkeri Tatıana Hasıanovanyń jeke kontserti ótedi, al Kóktal turǵyn alabynda «Naz» memlekettik bı teatrynyń merekelik kontserti uıymdastyrylady. 23 naýryzda keshke Kongress Holl saraıynda «Óner qyrandary» ázil-syqaq keshi ótedi. 24 naýryzda «Astana Opera» teatrynda jas astanalyqtarǵa arnalǵan «Petıa jáne qasqyr» balalar sımfonııalyq ertegisi kórsetiledi. Naýryz merekesin merekeleý munymen shektelmeıdi: 25 naýryzda Beıbitshilik jáne Kelisim saraıynda «Qozy Kórpesh-Baıan Sulý» mıýzıkli, al Kongress Hollda Perızat Turarovanyń jeke kontserti ótedi. 26 naýryzda Kongress Hollda «Nur sáýlem-aı» ansambliniń merekelik kontserti bolady.
