Astana ákimdigi aldaǵy epıdemııalyq maýsymda tumaýǵa qarsy vaktsınany satyp alýǵa kóbirek qarajat bóldi
ASTANA. QazAqparat - Astana ákimdigi aldaǵy epıdemııalyq maýsymda tumaýǵa qarsy vaktsınany satyp alýǵa kóbirek qarajat bóldi. Bul týraly baspasóz máslıhaty barysynda Astana qalalyq salaýatty ómir saltyn qalyptastyrý ortalyǵynyń úılestirýshi dárigeri Zámzágúl Rahymbaeva habarlady.
«Tutynýshylardyń quqyqtaryn qorǵaý departamentiniń málimetterinshe, 2013-2014 jylǵy maýsymda JRVJ-nyń 15 425 oqıǵasy tirkelgen, sonyń ishinde 83 tumaý oqıǵasy bolǵan, al 2014-2015 jyldyń maýsymynda JRVJ-nyń 16 985 oqıǵasy trikeldi, sonyń ishinde tumaýdyń 145 oqıǵasy boldy. Astanada tumaýdyń aldyn alý sharalary ımmýndaý túrinde júrgizilýde. Osylaısha, 2015-2016 jylǵy maýsymda tumaýǵa qarsy vaktsınalaýǵa jergilikti bıýdjetten 10 321 826 teńge bólinip, 13 741 vaktsına satyp alynǵan», - dedi Z.Rahymbaeva.
Bul rette ol 2014-2014 jylǵy maýsymǵa shamamen 8 mln. teńge bólinip, vaktsınanyń 11 006 dozasy satyp alynǵanyn atap ótti. «DSU tumaýǵa qarsy vaktsınany adamdardyń kelesi sanattary: júkti áıelder, 6 aıdan bastap 5 jasqa deıingi balalar, sozylmaly aýrýlary bar adamdar, densaýlyq saqtaý qyzmetkerleri men egde jastaǵy adamdarǵa ektirýge keńes etedi. Tumaýǵa shaldyǵý oqıǵalary qys aılarynda jıi bolady. Sondyqtan vaktsınany epıdemıologııalyq maýsym bastalǵansha ektirý mańyzdy», - dedi Z.Rahymbaeva. Azamattardyń atalǵan sanattary vaktsınany tegin ektirýge quqyly ekenin atap ótý kerek. Qalǵan azamattar úshin vaktsınany qabyldaý aqyly negizde qarastyrylǵan.
