Astana ákimdigi alaıaq taksıshilerdi anyqtaýda
ASTANA. QazAqparat - Elorda ákimdigi «ASTANATAXI» biryńǵaı qalalyq qyzmetine enbeıtin jalǵan taksıshilerdi áshkereleýde. Bul týraly Astana qalasynyń medıa ortalyǵynan habarlady.
Búginde Astanada 14 taksomotorly kompanııa bar. Olardyń 6-aýy ǵana «ASTANATAXI» biryńǵaı qalalyq qyzmetine engen, olar - ZHeBe, EKO, Arýna, Tumar, Drivers, Vector. ıAǵnı qalada qyzmet kórsetetin taksoparkterdiń barlyǵy biryńǵaı qalalyq qyzmettiń qatysýshylary emes.
Biryńǵaı qalalyq qyzmettiń qatysýshylary ázirlengen baǵdarlamalardyń barlyq artyqshylyqtaryn paıdalanady, kólik satyp alýda jeńildikterge ıe bolý múmkindikteri bar, sondaı-aq jeńildikpen mólsherleme boıynsha satyp alýdy júzege asyryp, áýejaı jáne temirjol aýmaǵyna kirip, bólingen avtobýs jolaqtarymen paıdalana alady.
Alaıda kólikterdiń syrtqy túri ǵana «ASTANATAXI»-ge uqsaıdy, al shyn júzinde taksometr, biryńǵaı bekitilgen tarıfterdiń saqtalýy sııaqty baǵdarlamanyń negizgi sharttary oryndalmaıdy. Ol óz aldyna halyq arasynda daý-damaı týdyrady. Osyılaısha Astana q. kólik basqarmasynyń taksomotorly kompanııalarmen kelisimsharttardy tirkeýde buzýshylyqtar anyqtalǵan. Atap aıtqanda olar kompanııa málimetterin biryńǵaı call-ortalyqqa qosý boıynsha jumystardan bas tartqan, biryńǵaı qalalyq tarıfti saqtamaǵan.
Taksomotorly kompanııalardy tirkeýdiń artýy EKSPO kórmesin ótkizýge baılanysty bolyp otyr.
Taldaý jumystary barysynda kólikti syrtqy bezendirýde Astana Taxi-diń úlgisin qoldanyp kelgen kólikter anyqtaldy. Degenmen bezendirýdiń sapasy óte nashar, túpnusqaǵa sáıkes kelmeıdi, biryńǵaı emes shrıfter (áripter) paıdalanylǵan, eskız elementteri belgilenbegen jerde ornatylǵan. Kóptegen kólikter tehnıkalyq talaptarǵa saı emes.
Máselen, EKSPO kezinde jolaýshylar tasymalyna suranys joǵary bolǵandyqtan «SıtıKab» kompanııasy Almatydan Astanaǵa kóshti, degenmen Jolaýshylar kóligi basqarmasynda tirkeýden ótpegen. Kompanııa EKSPO jáne Mega SilkWay aýmaǵynda qyzmet kórsetedi. Mundaı faktiler Astana Taxi baǵdarlamasyna keri yqpalyn tıgizýde.
Sonymen qatar Astana Taxi baǵdarlamasyna engen taksomotorly kompanııalardyń júrgizýshileri arasynda biryńǵaı tarıf boıynsha qyzmet kórsetýden bas tartý faktileri anyqtaldy. Saraptama barysynda kóptegen júrgizýshiler taksometrlardy qospaıtyny belgili boldy.
Keltirilgen barlyq faktilerdi eskere otyryp, ákimdik bul máseleni lıberaldy jáne naryqtyq jolmen sheshýdiń birneshe usynysyn jasady: sońǵy 3 aıda Jolaýshylar kóligi basqarmasynda tirkelgen barlyq taksomotorly kompanııalardy «Astana Taxi»-ǵa qosý, kólikterdiń avtobýs jolaqtary boıynsha júrýin tirkeý maqsatynda beınebaqylaý júrgizý jáne taǵy basqa sharalar.
Qala basshysy Áset Isekeshev Jolaýshylar kóligi basqarmasyna elordalyq Memlekettik kirister departamentimen jáne Іshki ister departamentimen birigip, taksomotorly kompanııalar arasynda alaıaqtyq faktilerdi áshkereleý boıynsha reıd jumystaryn júrgizýdi tapsyrdy.
