Astana ákimdigi: Aqsha aıyrbastaý pýnkteri men janarmaı quıý stansalarynda dúrligý bolǵan joq
ASTANA. QazAqparat - Erkin baǵam tártibi engizilgennen beri Astana ákimdigi aqsha aıyrbastaý pýnkteriniń qyzmetine, turmystyq tehnıka satatyn dúkenderdiń baǵasyna, janarmaı quıý stansalaryna monıtorıng júrgizýde. Bul týraly búgin Ortalyq kommýnıkatsııalar qyzmetindegi baspasóz máslıhatynda Astana ákiminiń orynbasary Andreı Lýkın málim etti.
«Búginde turmystyq tehnıka dúkenderinde, aqsha aýyrbastaý pýnkterinde, janar-jaǵarmaı quıý stansalarynda qandaı da bir dúrligý baıqalǵan joq. Atap aıtqan bul kásiporyndarda jumystar qalypty tártipte júrip jatyr»,-dedi ákimniń orynbasary.
Onyń sózine qaraǵanda, elektr turmystyq tehnıka dúkenderinde saýda eleýli kólemde artqan eken.
«Elektr turmystyq tehnıkasynyń naryǵynda baǵanyń qubylmalyǵy joq. Sonymen birge keıbir taýarlarǵa baǵanyń aýytqýy baıqalýda. Bular teńge baǵamynyń aýysýyna baılanysty emes. Atap aıtqanda, buǵan keıbir taýarlarǵa aktsııalyq baǵalardyń tyıym salynýy jáne kerisinshe ónimderge aktsııalyq baǵalardyń engiziýi yqpal etti», - dedi A. Lýkın.
