Astana ákimdigi ákimshilik shyǵyndardy qysqartady
Sondaı-aq, medıtsınalyq qyzmetterdiń sapasyn arttyrý jáne azamattar úshin jaıly ortany qamtamasyz etý maqsatynda jańa qoǵamdyq baqylaý quraldaryn engizý kózdelgen.
«Medıtsınalyq qyzmet kórsetý salasyn jańǵyrtýmen bastapqy medıtsınalyq-sanıtarlyq kómektiń barlyq ortalyqtary qamtylǵan. Jańǵyrtý qarjy shyǵystaryn ońtaılandyrý aıasynda ótkizilgen. Ótken jyly barlyq emhanalarda qosalqy qyzmet túrleri aýtsorsıng berildi, ol shamamen 300 mln teńge únemdeýge múmkindik berdi. Únemdelgen qarajat esebinen emhanalarda halyqaralyq standarttarǵa sáıkes keletin tsıfrlyq aqparattyq dúńgirshekter, navıgatsııa júıesi, balalar alańy, biryńǵaı brendbýk, tirkeý orny, sý dıspenserleri jáne eń bastysy - ishki qujattar men patsıentterdiń ambýlatorlyq kartalary elektrondyq úlgige aýysty», - dedi joba menedjeri Rýslan Júsipov.
Sondaı-aq, bilim berý mekemeleriniń ákimshilik shyǵystaryn ońtaılandyrý, bilim berý mekemelerinde aqsha jınaý boıynsha shaǵymdar sanyn azaıtý josparlanyp otyr. Sonymen qatar, Jastar jyly aıasynda jastar mádenıetin arttyrý jáne ómir súrý sapasyn jaqsartý úshin jobaǵa jastardy belsene tartý josparlanýda.