Astana ákimdigi 15 jyl boıy jeke nysany bolmaǵan mektepke ǵımarat bóldi

Sońǵy 7 jylda elordada orta bilim berý salasynda oqıtyndar sany 2 esege ósip, 143 myńnan astam oqýshyny qurady. Kóshi-qon jáne týý esebinen jyl saıyn ósim orta eseppen 15-18 myńǵa jetti.

Osy rette elorda ákimdigi qala ınfraqurylymynyń qarqyndy damyp jatqandyǵyn esepke ala otyryp, mektepterge túsetin júktemeni tómendetý turǵysynda jumys jasaýda. 2018 jyldyń ózinde 7 myń oryndyq 6 mektep paıdalanýǵa beriledi. Aldaǵy 24 mekteppen mektepterge japsarlas 10 ǵımarattyń qurylysy josparlanǵan.

Jańa oqý jyly qarsańynda «Ashyq ákimdik» jobasy qaǵıdasyn iske asyra otyryp, Astana ákimi Áset Isekeshev mektepterge ǵımarattardy bólý men olarǵa túsetin júktemeni tómendetýge qatysty máseleni kótergen ata-analar tobymen kezdesip, sheshimin tappaı kelgen problema jaıynda olardyń óz aýyzdaryn estidi.

Osydan 10 jyl buryn QR Prezıdenti Nursultan Nazarbaevtyń ózi ashqan № 60 mektep-lıtseıdiń júktemeligine qatysty másele alǵash ret kóterilip otyrǵan joq. Mekteptiń kórsetkishi óte joǵary, alaıda ondaǵy negizgi problemalardyń biri júktemeniń kóptigi.Ótken jyly ol mektepte 3558 adam oqysa, qazirgi tańda oqý úshin 300 bala qujat tapsyrypty. Bunyń sońǵy kórsetkishter emes ekendigin atap ótken jón.

Ákimniń qatysýymen ótken kezdesý barysynda Kúmisbekov kóshesi men Abaı dańǵylynyń qıylysynda ornalasqan jańa mekteptiń ǵımaratyna qatysty bilim basqarmasynyń sheshimi qaıta qaralǵan bolatyn. Endi 1200 orynǵa laıyqtalǵan oqý orny № 60 mektep-lıtseıge tıesili bolmaq.Osylaısha elordada № 60 mekteptiń ǵana emes sol aýdanda ornalasqan № 1 jáne № 35 mektepterdiń júktemeligin tómendetýge septigin tıgizip, birneshe ǵımaratty biriktiretin alǵashqy mektep klasteri qurylmaq. Mundaısheshim atalmysh mekteptiń bilim sapasy boıynsha qaladaǵy úzdik mektepter ondyǵynyń qatarynda ekendigi eskrilip shyǵaryldy. Ata-analardyń kóbisi óz balalarynyń osynda bilim alýyn qalap, olardy atalmysh mektepke berýge tyrysady. Buǵan qosa, osy mektepte bilim beretin biliktiligi joǵary muǵalimder quramyn jańa kásipqoılar toltyrmaq. Bul óz kezeginde muǵalimderdiń júktemeliligin birkelki josparlaýǵa múmkindik beredi.

Qazirgi tańda Abaı-Kúmisbekovtegi jańa ǵımarattyń esigi sol mektepte oqýǵa nıet bildirgen balalardyń qujattaryn qabyldaý úshin ashyq.

Sonymen birge, Bilim kúni qarsańynda daryndy qyzdarǵa arnalǵan «Bilim-ınnovatsııa» lıtseıiniń oqýshylaryn da jaǵymdy jańalyqpen qýantty. Budan buryn habarlanǵandaı, oqý ornynyń ashylǵandyǵyna 15 jyl bolsa da, oǵan jeke ǵımarat bólinbegen edi.

Búgin «Bilim-ınnovatsııa» lıtseıiniń oqýshylary qalalyq, respýblıkalyq, halyqaralyq pán olımpıadalarynda júldeli oryndardy ıelenip keledi. Bul lıtseıde oqýǵa túsý úshin ótkiziletin konkýrstyń joǵary ekendigin kórsetse kerek. Dálirek aıtqanda, bir orynǵa 20 adamnan keledi.

Ata-analardyń aryzyn tyńdaǵan jáne de aýdannyń damýyn esepke qosa alǵan ákim 188 kóshede jaqynda ǵana boı kótergen mektepti daryndy qyzdarǵa arnalǵan «Bilim-ınnovatsııa» lıtseıine berýdi uıǵardy. Aldaǵy ýaqytta lıtseı 5 synyptan bastap oqytý úshin qosymsha balalar jınaıdy dep kútilýde. Bul, óz kezeginde bolashaqta júktemeni azaıtýǵakómektesedi.

Sonymen qatar, Áset Isekeshev ákimniń orynbasary Qosman Aımuhametovke mektepti kirme jolmen qamtamasyz etý,187 kóshede jol qurylysyna jumystaryn jedeldetýdi tapsyrdy. Atalmysh jol memlekettik baǵdarlama boıynsha salynǵan úılerdiń aýlalaryna kirýge múmkindik beretin qosymsha jolmen qamtamasyz etpek. Mektep aýlasyn abattandyrý jumystary 25 tamyzǵa deıin aıaqtalady dep josparlanýda.

Qazirgi kezde jańa mekteptiń ýchaskesinde eki merdiger uıym jumys isteýde. Joldardy tósep, kireberis joldardy salýda. Terrıtorııany abattandyrý jumystary 20 tamyzǵa deıin aıaqtalmaq.

Kezdesý sońynda Áset Isekeshev bilim basqarmasyna Saryarqa aýdany ákimdigimen birlesip tıimdi jol taýyp, onyń tez arada amal jasaýdy, sondaı-aq, ǵımarat bólý saıasatyn turǵyndardyń pikirin, qaýipsizdik máselesin, mektepterdegi júktemeni esepke ala otyryp júrgizýdi tapsyrdy.