Astana ákimdigi 13 jer telimin aýktsıonǵa shyǵarady
ASTANA. QazAqparat - Astana qalasynyń ákimdigi 2015 jylǵy 23 qazanda saǵat 15.00 ónerkásiptik-azamattyq maqsattaǵy obektilerdi jobalaý jáne salý, sondaı-aq, ýaqytsha obektilerdi ornalastyrý úshin jer ýchaskeleriniń jaldaý quqyǵyn satý boıynsha aýktsıon ótkizedi.
Aýktsıon aǵylshyndyq ádis (bastapqy baǵasynyń ósýine qaraı) boıynsha ótedi.
Saýda-sattyqta belgilengen ýchaskeniń aýktsıondyq quny 50% mólsherdegi avanstyq tólem satyp alý-satý shartyna qol qoıylǵannan keıin banktik 5 kúnnen keshiktirilmeıtin merzimde tólenedi, al qalǵan soma satyp alý-satý shartyna qol qoıylǵan kúnnen bastap kúntizbelik 30 kúnnen keshiktirilmeı engizilýi qajet, dep habarlaıdy ákimdiktiń baspasóz qyzmetinen.
Eskertý: Kepildik jarna árbir saýda-sattyq obektisi boıynsha bólek engiziledi.
Aýktsıon qatysýshysy retinde tirkelý úshin:
jeke tulǵalar: 1) aýktsıonǵa qatysýǵa ótinim; 2) kepildik jarnanyń engizilgendigin rastaıtyn tólem qujatyn; 3) ókilettiń ókilettiligin kýálandyratyn qujat;
zańdy tulǵalar: 1) aýktsıonǵa qatysýǵa ótinim; 2) kepildik jarnanyń engizilgendigin rastaıtyn tólem qujatyn; 3) rezıdent emes tulǵalar saýda-sattyq tiziliminen zańdastyrylǵan úzindini nemese sheteldik zańdy tulǵalar shetel memleketiniń zańnamasy boıynsha zańdy tulǵa ekendigin kýálandyratyn, memlekettik jáne orys tilderine notarıaldyq kýálandyrylǵan aýdarmasy bar basqa zańdastyrylǵan qujat; 4) ókildiń ókilettiligin kýálandyratyn qujatty usyný qajet.
