Astana: Aǵymdaǵy aptaǵa arnalǵan mádenı sharalar afıshasy
ASTANA. QazAqparat - 26 aqpan men 4 naýryz kúnderi Astana turǵyndary men qonaqtary birqatar qyzyqty mádenı sharalardy tamashalaı alady. Bul týraly «QazAqparat» HAA tilshisi qalalyq Mádenıet, arhıv jáne qujattama basqarmasyna siltep jasap habarlaıdy.
26 aqpannan 4 naýryzǵa deıin Táýelsizdik saraıynda «Táýelsizdik belgisi - Astana», «Talantqa taǵzym», «Meniń Astanam» jáne «Myslı» kórmeleri ótedi. Sondaı-aq, astanalyqtar «Qazaqstandyq sýretshilerdiń shyǵarmalary» kórkemóner kórmesin, «Peremena» zamanaýı óner kórmesin jáne «Uly dala murasy» qoldanbaly óner kórmesin tamashalaı alady.
27 aqpan kúni Q.Qýanyshbaev atyndaǵy Memlekettik akademııalyq qazaq mýzykalyq drama teatrynda Raqymjan Otarbaevtyń «Kóleńkesiz jolaýshy» psıhologııalyq dramasy qoıylady. Bastalýy - saǵat 19:00.
Sol ýaqytta «Astana Opera» teatrynyń kameralyq zalynda «Lıýblıý ı taıý» kontserti ótedi.
28 aqpan kúni 19:00-de Q.Qýanyshbaev atyndaǵy Memlekettik akademııalyq qazaq mýzykalyq drama teatrynda S.Turǵynbekulynyń «Shámshi» spektakl - elegııasy qoıylady.
19:00-de «Astana Opera» teatrynyń úlken zalynda Ǵ. Jubanovanyń «Qaragóz» baleti bastalady.
Sol ýaqytta «Jastar» teatrynda Oralhan Bókeıdiń «Uıqym kelmeıdi» mýzykalyq monospektakli qoıylady.
1 naýryz kúni qýyrshaqtar teatrynda A. Salaevanyń «Lesnaıa skazka» spektakli kórsetiledi. Bastalýy 12:00 jáne 14:00-de.
17:00-de Beıbitshilik jáne kelisim saraıynda Alǵys aıtý kúnine arnalǵan «Myń alǵys» kontserti ótedi.
19:00-de «Astana Opera» teatrynyń kameralyq zalynda «Mýzyka tronet strýny dýshı» kontserti bastalady.
19:00-de «Astana» kontserttik zalynda klassıkalyq, estradalyq, halyqtyq janr oryndaýshylary jáne estradalyq bı ansambliniń «Mahabbat dastan» atty estradalyq ánder kontserti ótedi.
M. Gorkıı atyndaǵy Memlekettik akademııalyq orys drama teatrynda B. Jandarbekovtyń «Tomırıs - tsarıtsa sakskaıa» epıkalyq dramasy qoıylady. Bastalýy- 19:00-de.
2 naýryz kúni 19:00-de M. Gorkıı atyndaǵy Memlekettik akademııalyq orys drama teatrynda R. Kýnıdyń «Smeshnye dengı» komedııasy ótedi.
So ýaqytta «Astana Opera» teatrynda Dj. Pýchchınıdiń «Bogema» operasy bastalady.
3 naýryz kúni 10:00-de «Jastar» saraıynda «Biz óz eńbegimizben memleketti nyǵaıtamyz» atty eńbek jolyn urpaqtan-urpaqqa jalǵastyryp kele jatqan áýlettermen kezdesý jáne «dóńgelek ústel» uıymdastyrylady.
15:00-de «Jastar» saraıynda Alǵys aıtý kúnine arnalǵan «Bir el - bir otbasy» kontserttik baǵdarlamasy ótedi.
11:00-de M. Gorkıı atyndaǵy Memlekettik akademııalyq orys drama teatrynda kishkentaı kórermenderge V. Tregýbenkonyń «Domık dlıa tsarıa zvereı» ertegisi kórsetiledi. 18:00-de I. Vyrypaevtyń «Valentınov den» ıronııalyq dramasy qoıylady.
18:00-de «Astana» kontserttik zalynda «Saryarqa» halyq mýzykasy ansambli men klassıkalyq, estradalyq jáne halyqtyq vokal solısteriniń Halyqaralyq áıelder kúnine arnalǵan «Jan ana» kontserti bastalady.
4 naýryz kúni 9:00-de «Jastar» saraıynda «Men - juldyzbyn» atty balalar shyǵarmashylyǵynyń festıval-baıqaýy ótedi.
11:00-de M. Gorkıı atyndaǵy Memlekettik akademııalyq orys drama teatrynda balalar S.Astrahantsevtiń «Malenkaıa ıstorııa o Malenkom Mýke» ertegisin tamashalaı alady.
12:00-de «Astana Opera» teatrynyń kameralyq zalynda «Janýarlar karnavaly» kontserti ótedi.
18:00-de M. Gorkıı atyndaǵy Memlekettik akademııalyq orys drama teatrynda A. Kasonnyń «Dıkar. Trete slovo» melodramasy qoıylady.
Sol ýaqytta «Astana Opera» teatrynyń úlken zalynda «Kóktem sımfonııasy» kontserti bastalady.
Basty sýret: astanaopera.kz
