Astana afıshasy: Búrkitshiler týrnıri, fýtbol, aqyndar aıtysy
ASTANA. QazAqparat - Astana qalasy ákimdiginiń saıty 15-21 qazan aralyǵynda ótetin mádenı sharalar kestesin usynady, dep habarlaıdy QazAqparat.
Qala turǵyndary men qonaqtary 15-21 qazan kúnderi Táýelsizdik saraıynda saǵat 10:00-18:00 aralyǵynda Asqar Nurbolattyń «Ómir» atty jeke kórkem kórmesin, «Aqanaevtar áýleti» atty jeke kórkem kórmesin jáne Eýrazııalyq dızaınerler Odaǵynyń múshesi E.S. Asylhanovtyń jeke kórmesin tamashalaı alady.
15-30 qazan kúnderi Beıbitshilik jáne Kelisim saraıynda 10:00-18:00-de «Rýhanı jańǵyrý: Karlag, «ALJIR» - Qazaqstannyń estelik oryndary», «KARLAG: qapastaǵylar qalamynan» - «KARLAG: tvorchestvo v nevole» ekspozıtsııalary qoıylady.
15 qazanda saǵat 18:00-de Kazmedıa ortalyǵynda «Newton tour» tobynyń kontserti ótedi.
16 qazan kúni saǵat 11:00-de Q. Qýanyshbaev atyndaǵy memlekettik akademııalyq qazaq mýzykalyq drama teatrynda E. Shvartstiń «Kúlshe qyz» ertegisi, 17 qazan kúni saǵat 18:30-da - R. Otarbaevtyń «Kóleńkesiz jolaýshy» psıhologııalyq dramasy, 18 qazan saǵat 18:30-da - S. Balǵabaevtyń «Eń jaqsy erkek» komedııasy, 19 qazan saǵat 18:30-da - M. Baıjıevtiń «Til tabyskandar» komedııasy jáne 21 qazan saǵat 18:30-da - Sh. Aıtmatovtyń «Qyzyl oramaldy shynarym» lırıkalyq dramasy bastalady.
16 qazan kúni saǵat 19:00-de «Astana Opera» memlekettik opera jáne balet teatrynda «Beg vremenı» sımfonııalyq mýzykalyq keshi, 17 qazan kúni saǵat 19:00-de - «Romantıka po nemetskı» kontserti, 19 qazan saǵat 19:00-de - «TÚRKSOI» jastar kameralyq qorynyń kontserti ótedi.
Bul kúni saǵat 20:00-de «Astana Arena» stadıonynda Qazaqstan - Andorra komandalar arasynda Fýtboldan ÝEFA Ulttar Lıgasynyń irikteý matchy bolady.
Sonymen birge, 16 qazanda saǵat 19:30-da «Astana» kontsert zalynda Sımfonııalyq orkestrdiń kontserti, 17 qazan saǵat 19:00-de - Halyq áni bóliminiń jeke oryndaýshylary, «Saryarqa» halyq mýzykasy ansambli, «Shalqyma» halyq bıi ansambliniń «Áserli án sal dombyra» atty kontserti, 20 qazan saǵat 17:00-de - Astana qalasy Memlekettik akademııalyq fılarmonııasy estradalyq bı ansambliniń «Án shyrqaıyq, bı bılep» atty kontserti ótedi.
20-21 qazan kúnderi tańǵy 10:00-de Alash tas joly boıyndaǵy «Eko aýylda» Ataqty búrkitshi Kúntýǵan Toqtybaıulyn eske alýǵa arnalǵan búrkitshilerdiń Halyqaralyq týrnıri men Astana qalasynyń ashyq birinshiligi ótedi.
20 qazan saǵat 15:00-de jáne 21 qazan saǵat 18:00-de «Qazaqstan» OKZ «Jyr arqaýy - Astana» atty halyqaralyq aqyndar aıtysy bastalady.
