Astana afıshasy: Apta ishinde qaıda barýǵa bolady
ASTANA. QazAqparat - «QazAqparat» halyqaralyq aqparat agenttigi 2018 jyly 26 qarasha men 2 jeltoqsan aralyǵynda elordanyń mádenıet jáne sport mekemelerinde ótetin aptalyq sharalar josparyn usynady.
Táýelsizdik saraıynda 26 qarasha - 31 jeltoqsan kúnderi birneshe kórme uıymdastyrylady. Kórme zaldary 10.00-18.00 aralyǵynda jumys isteıdi.
27 qarashada saǵat 11.00-de Q. Qýanyshbaev atyndaǵy Memlekettik akademııalyq qazaq mýzykalyq drama teatry «Er Tóstik» halyq ertegisin qoıady.
Sondaı-aq, bul kúni 17.00-de «Jastar» saraıynda QR Tuńǵysh Prezıdenti kúnine arnalǵan «Azattyq - ulttyń ary, Elbasy - eldiń baǵy» kontserti ótedi.
Saǵat 19.00-de «Astana» kontsert zalynda Reseı estradasynyń ánshisi Aleksandr Rozenbaýmnyń kontserti bastalady.
Al 20.00-de EKSPO aýmaǵyndaǵy «Nomad city hall» kontsert zalynda reseılik akter Dmıtrıı Dıýjevtiń qatysýymen A. Pýshkınniń «Evgenıı Onegın» qoıylymy ótedi.
28 qarasha kúni 10.00-de EKSPO aýmaǵyndaǵy Kongress ortalyǵynda şahmattan respýblıkalyq blıts-týrnır bastalady.
Saǵat 11.00-de «Jastar» saraıynda M. Gorkıı atyndaǵy Memlekettik akademııalyq orys drama teatry N. Gernettiń «Aladdınniń sıqyrly shamy» ertegisin qoıady.
Saǵat 18.30-da Q. Qýanyshbaev atyndaǵy Memlekettik akademııalyq qazaq mýzykalyq drama teatrynda dramatýrg Roza Muqanovanyń «Sarra» dramasy bastalady.
19.00-de «Astana» kontsert zalynda Astana qalasy Memlekettik akademııalyq fılarmonııasy shyǵarmashylyq ujymdarynyń qatysýymen «Kezder-aı» retro-kontserti ótedi.
29 qarasha kúni 19.00-de «Astana» kontsert zalynda Astana Memlekettik akademııalyq fılarmonııasy halyq áni bóliminiń jeke oryndaýshylary, «Saryarqa» halyq mýzykalyq ansambli jáne «Shalqyma» halyq bı ansambliniń «Semeı áýenderi» kontserti ótedi.
Bul ýaqytta «Jastar» saraıynda M. Gorkıı atyndaǵy Memlekettik akademııalyq orys drama teatry «Tomırıs - saq patshaıymy» epıkalyq dramasyn kórsetedi.
Al 21:50-de «Astana Arena» stadıonynda Lıga Evropa ÝEFA toptyq kezeńi fýtboldan «Astana» FK - «Dınamo Kıev» FK (Ýkraına) komandalar arasynda match ótedi.
30 qarasha kúni 10.00-de Otan qorǵaýshylar monýment alańynda Qazaqstan Respýblıkasynyń Táýelsizdik kúnine arnalǵan «Astana-Almaty» sherýi ótedi.
Saǵat 10.00-de «Barys» sport kesheninde QR Tuńǵysh Prezıdenti kúnine oraı 2005-2006 jyly týǵan sportshylardyń shaıbaly hokkeıden matchtyq kezdesýi bastalady.
Saǵat 19.00-de «Jastar» saraıynda «Business Lady Qazaqstan» respýblıkalyq baıqaýy ótedi.
19.30-da «Astana» kontsert zalynda Astana qalasynyń Memlekettik akademııalyq fılarmonııasy sımfonııalyq orkestriniń kontserti bastalady.
1-2 jeltoqsan kúnderi saǵat 12.00 jáne 14.00de Qýyrshaqtar teatrynda I. Mıchchıdiń «Arystan patsha» ertegisi qoıylady.
1 jeltoqsan kúni saǵat 15:00-de «Nomad city hall» kontsert zalynda QR Tuńǵysh Prezıdenti kúnine arnalǵan «Jańa dáýir - jarqyn bolashaq!» atty merekelik kontsert ótedi.
Bul kúni 17.00-de «Barys» HK - «Avtomobılıst» HK komandalary arasynda 2018-2019 maýsymnyń QHL chempıonaty bolady.
Sondaı-aq, 17.00-de «Astana» kontsert zalynda «Elimniń júregi - Astana» atty kontsert bastalady.
Saǵat 19.00-de «Qazaqstan» ortalyq kontsert zalynda Qazaqstan estradasynyń ánshisiMóldir Áýelbekovanyń «Týǵan el» kontserti bastalady.
2 jeltoqsanda saǵat 10.00-de «Jastar» saraıynda «Koroleva Vıktorııa» II Halyqaralyq balalar men jastar shyǵarmashylyǵy festıvali ótedi.
Bul kúni 17.00-de «Astana» kontsert zalynda Astana Memlekettik akademııalyq fılarmonııasy halyq áni bólimi jáne «Qorqyt» dástúrli saz tobynyń «Jyr álemi» kontserti ótedi.
2 jeltoqsan kúni «Qazaqstan» ortalyq kontsert zalynda Qaırat Nurtastyń «Naǵyz erkek» atty kontserti bastalady.
