«Astana-AEK» AQ jańa ǵımaraty paıdalanýǵa berildi
ASTANA. QazAqparat - Astanada elektr jelilerin basqarý tıimdi bola tústi. Qaladaǵy shaǵyn stantsııalardyń jumysyn bir ýaqytta baqylap otyrý arqyly apat bolǵan aımaqqa jedel jetý múmkindigi artty, dep jazady astana.gov.kz saıtynda.
Elimizdiń basty ákimshilik aımaǵyn bir mezette de elektr jaryǵynsyz qaldyrýǵa bolmaıtynyn jete túsinetin mamandar qyzmet sapasyn arttyrý maqsatynda «Astana Aımaqtyq Elektrjelilik Kompanııasy» AQ jańa ǵımaratyn ashty.
«Astana Elbasynyń úzdik jobasy retinde qalyptasty. Qalamen birge kommýnaldy sharýashylyq salasy da damyp otyrdy. Al bul jerde elektr jelilerinsiz jumys júrmeıtini belgili. Sondyqtan búgingi merekemen quttyqtaı otyryp, jumystaryńyzǵa tabys tileımin», - dedi Astana qalasy ákiminiń orynbasary Vasılıı Krylov.
Jańa mekemeniń jalpy aýdany 1,8 ga jerdi alyp jatyr. Úsh bloktan turatyn ǵımaratta janǵa qajettiniń bári bar. Keńse, dıspetcherlik bólim, zerthana men saýyqtyrý bloktary.
«Myna perneler arqyly kez kelgen qosalqy beketke kirse, ary qaraı tereń aqparat alýǵa bolady. Kúni-túni qyzmetkerlerimiz jumys isteıdi. Barlyq aqparatty bilip otyrady. Qandaı da apatty jaǵdaı bolsa, apat ornyna jedel jetip, jaryqty berýge múmkindik beredi», - dep málimdedi «Astana AEK» AQ basqarma tóraǵasynyń orynbasary Janat Mashkenov.
Aıta keteıik, qazir Astanada elektr jelileriniń ótkizý qabiletin 550 MVt 1500 MVt deıin arttyrýǵa múmkindik beretin úsh tireý beketi bar.
