Astana: Abylaı han dańǵylyndaǵy avtobýs jelisi arqyly qashan júrýge bolady
ASTANA. QazAqparat - 22 sáýirden bastap Astanadaǵy Pýshkın kóshesinen Manas kóshesine deıingi ýchaskede Abylaı han dańǵyly boıynda qoǵamdyq kólikke bólingen jolaqpen avtomobılderdiń qozǵalý ýaqytyn ózgertý josparlanyp otyr. Bul týraly elordanyń kólik jáne jol-kólik ınfraqurylymyn damytý basqarmasy málimdedi, dep habarlaıdy QazAqparat.
Bul qala turǵyndarynyń mobıldiligin jaqsartý, jedel járdemniń, arnaıy qyzmetterdiń jáne órt sóndirý tehnıkasynyń kedergisiz qozǵalysyn qamtamasyz etý úshin jasalady.
Qoǵamdyq kólikten basqa barlyq avtomobılderge jumys kúnderi saǵat 06.30-dan 20.00-ge deıin arnaıy jolaqpen júrýge tyıym salynady. Senbi, jeksenbi jáne mereke kúnderi kólikterge Bus Lane arqyly júrýge ruqsat etiledi.
Innovatsııa qala ishindegi avtomobıl aǵynyn tıimdi qurý úshin, sondaı-aq qarbalas saǵattardan tys jáne demalys kúnderi arnaıy bólingen avtobýs jolaqtaryn paıdalaný máselesin sheshý úshin testilik rejımde engizilýde.
Jol qozǵalysynyń barlyq qatysýshylarynan saq bolýy jáne óz baǵytyn aldyn ala josparlaýy qajet. Júrgizýshiler belgilengen jol belgilerin basshylyqqa alyp, QR Jol qozǵalysy erejeleriniń talaptaryn saqtaýy qajet.
