«Astana-Ábý-Dabı» baǵytyndaǵy ushaq elorda áýejaıynan 5 saǵatqa keshigip ushty
ASTANA. QazAqparat - «Eır Astana» áýe kompanııasynyń Astana-Ábý Dabı baǵytyndaǵy ushaǵy 5 saǵatqa keshiktirilip áýege kóterildi.
Budan buryn habarlaǵanymyzdaı, seısenbi kúni keshke «Astana-Ábý-Dabı» baǵyty boıynsha EY5893 reısimen ushýy tıis «Eır Astana» kompanııasynyń Boıng-767 ushaǵy tehnıkalyq sebepterge baılanysty elordanyń áýejaıynan ushyp kete almaǵan bolatyn.
Ushaq Astana ýaqyty boıynsha saǵat 20:35-te áýege kóterilýi tıis edi, alaıda bir saǵat boıy ony otaldyrý múmkin bolmady. Saǵat 21:40-ta jolaýshylardan ushaqtan túsýlerin ótingen. Stıýardessalar bort kompıýterleri isten shyǵyp qalǵanyn jetkizgen.
Jolaýshylar áýejaıdyń kútý zalyna ornalastyrylyp, tamaqtandyryldy. Saǵat 01.30 shamasynda ushaqtyń belgilengen baǵyt boıynsha ushýǵa daıar ekeni habarlandy. Sonymen qatar jolaýshylarǵa Ábý-Dabıǵa jetý úshin Almaty arqyly ótetin tranzıtti paıdalaný nemese 8 tamyz kúni qushatyn kelesi reısti kútý usynyldy, dep habarlaıdy QazAqparat tilshisine atalmysh baǵytqa bet alǵan jolaýshylardyń biri.
Sondaı-aq fors-majorly jaǵdaıǵa oraı, qaıta brondaý jáne tranzıttik baǵyt jolaýshylaryn bılettermen qamtamasyz etý máselelerin kompanııa óz moınyna aldy. Ushaq Astana ýaqyty boıynsha saǵat 02:00-de ushyp ketti.
