«Astana-64» komandasynan ketken jas fýtbolshylar Almatyǵa keldi
ASTANA. 14 naýryz. QazAqparat - «Astana-64» komandasynan ketken biraz oıynshy almatylyq «Qaırat akademııasyna» aýysqan syńaıly, dep jazady «Alaman» ulttyq sport portaly.
Belgili bolǵandaı, komanda quramyndaǵy jas fýtbolshylar keshe tańerteń Almatyǵa keldi. Erteń olardyń alǵashqy jattyǵýy ótpek. Al elordadan ketken fýtbolshylardyń bıyl qaı týrnırde baq synaıtyny belgisiz. Sebebi, «Qaırat akademııasynyń» bıylǵy maýsymǵa lıtsenzııasy joq.
Budan buryn habarlanǵandaı, Brazılııada oqyp-toqyp keldi degen jas fýtbolshylar «Astana-64» komandasyna toptastyrylyp, bıyl birinshi lıgada oınaýy tıis edi. Biraq bul komandada shý shyǵyp, Brazılııa elinde fýtbol álippesin taýysyp kelgender komandany tastap ketti. Shýdyń neden shyqqany belgisiz. Anyǵy, jas fýtbolshylardy jattyqtyrýy tıis brazılııalyq maman Tıago Kozloskı óz erkimen otstavkaǵa ketken. Ol bul qylyǵyn «komanda basshylyǵymen jumys jasaı almadym» dep túsindiripti. Tıago «Qaırat» komandasyna keldi. Qazir komandaǵa qazaqstandyq maman Vıacheslav Ledovskıh keldi.
