Astana 2017 jyly turaqty dárigerlik qyzmet kórsetý nysandarymen tolyq qamtamasyz etiledi
ASTANA. 8 qańtar. QazAqparat - Astanada 2017 jylǵa deıin qalany emhanalyq jáne turaqty dárigerlik qyzmet kórsetý nysandarymen tolyq qamtamasyz etý josparlanýda.
Bul týraly Astana ákimdiginiń baspasóz qyzmetinen habarlady.
2012 jyly Astanada 2 densaýlyq saqtaý nysany paıdalanýǵa berilgen. «Densaýlyq saqtaý nysandaryn damytý» baǵdarlamasy boıynsha, byltyr osy maqsatqa 10,320 mlrd. teńge bólindi. Onyń 9,384 mlrd. teńgesi respýblıkalyq, 936,4 mln. teńge qala bıýdjeti esebinen qarastyrylǵan. 2013 jyly 6 nysannyń qurylysy júrip jatyr. Onyń 4-eýin jyl sońyna deıin salyp bitirý josparlanýda.
2014 jyldyń sońyna deıin Astanada ambýlatorııalyq-polıklınıkalyq keshen men 500 kereýettik ókpe qurt aýrýyna qarsy dıspanserdi paıdalanýǵa berý mejelengen.
2017 jylǵa deıingi perspektıvalyq jospar boıynsha, bıýdjetten tıisti qarajat bólingen jaǵdaıda Astanany 2017 jylǵa deıin emhanalyq jáne turaqty dárigerlik qyzmet kórsetý nysandarymen tolyq qamtamasyz etý múmkin bolady.
