«Astana» 2017/18-Eýromaýsymda qansha qarjy tapty
ASTANA. QazAqparat - «Astana» 2017/18-Eýrokýbok maýsymynda oıynyn aıaqtady, dep habarlaıdy Sports.kz.
Qazaqstandyq komanda Eýropa Lıgasynyń 1/16 fınalyndaǵy jaýaptyq matchta portýgaldyq «Sportıngke» ese jiberdi - 3:3. Eske salaıyq, Astanada ótken alǵashqy oıyn Stanımır Stoılovtyń shákirtteriniń jeńilisimen aıaqtalǵan edi - 1:3.
Osy maýsymnyń qorytyndysy boıynsha «Astana» 8,18 mıllıon eýro aqsha tapqan. Eýropa Lıgasynyń toptyq kezeńi bastalardyń aldynda «Astananyń» balansynda 6,18 mıllıon eýro bolǵan.
Úsh ret jeńiske jetip jáne bir ret teń oıyn kórsetkeni úshin qazaqstandyq klýbtyń bıýdjeti taǵy 1,2 mıllıon eýroǵa artqan. «Astana» Eýropa Lıgasynyń 1/16 fınalynyń qatysýshysy retinde 500 myń eýro tapsa, ekinshi oryndaǵy toptan shyqqany úshin taǵy 300 myń eýro aldy.
Jalpy qansha tabys tapqany maýsymnyń sońynda belgili bolady.
Foto: fca.kz
