«Astana -1964» FK Qazaqstan Kýbogynyń 1/8 fınalyna ótý úshin «Atyraý» FK-men baq talastyrýda
ASTANA. 13 sáýir. QazAqparat - Astanada «Avtomobılıst» sport kesheniniń alańynda fýtboldan Qazaqstan Kýbogynyń birinshi kezeńdik matchy ótip jatyr. Alańda «Astana-1964» jáne «Atyraý» fýtbol klýbtary óner kórsetýde.
Bul eki klýbtyń 2002 jyldan bergi tórtinshi oıyny: komandalar Qazaqstan Kýbogynyń aıasynda buǵan deıin úsh ret kezdesken bolatyn. Onyń ekeýinde elordalyq klýb jeńiske jetti. 2002 jyly burynǵy «Jeńis» FK, qazirgi «Astana-1964» FK óz alańynda Batys Qazaqstan oblysynyń komandasyn 4:1 esebimen oısyrata jeńgen bolatyn. 2005 jylǵy oıynda Astananyń fýtbolshylary atyraýlyqtardy taǵy da 2:0 esebimen utty.
Osy oıynnyń jeńimpazy Kýboktyń 1/8 fınalyna salynatyn jerebeniń nátıjesi boıynsha «TsSKA» - «Tobyl» matchynyń jeńimpazymen kezdesetin bolady.
Aıta keteıik, «Astana-1964» FK Qazaqstan Kýbogynyń úsh márte ıegeri. Fýtboldan Qazaqstan Kýbogy 1992 jyldan beri oınalady.
