Astan ýlanyp aýrýhanaǵa túsken 52 adamnyń jaǵdaıy belgili boldy
NUR-SULTAN. QazAqparat – Elordada astan ýlanyp, aýrýhanaǵa túsken patsıentterdiń jaǵdaıy belgili boldy, dep habarlaıdy QazAqparat tilshisi.
«Elordadaǵy «Okadzaki» dámhanasynda astan ýlanyp, zardap shekkender sany 64 adam. Olar medıtsınalyq kómekke júgindi. Onyń ishinde 52 adam aýrýhanaǵa jatqyzyldy, 11-i - bala. Qalǵan 12 patsıentke ambýlatorlyq em kórsetildi. Medıtsınalyq kómekke júgingen azamattar ishtiń qabynýy, ótýi, júrektiń aınýy jáne taǵy sol sııaqty belgilerge shaǵymdandy», - dedi qalalyq densaýlyq saqtaý basqarmasynyń baspasóz hatshysy Áıgerim Ardaq.
Onyń aıtýynsha, qazir naýqastarǵa tıisti em kórsetilip jatyr.
«Patsıentterdiń jaǵdaıy qalypty, ortasha. Ómirlerine qaýip tónip turǵan joq», - deıdi ol.
Buǵan deıin habarlaǵanymyzdaı Nur-Sultan qalasynda 64 adam astan ýlandy.
Atalǵan dámhanada shıkizat pen daıyn ónimnen synama alyndy. Qazir jospardan tys tekserý jumysy jalǵasyp jatyr.
