Astan ýlanǵan búldirshinder aýrýhanadan shyqty

AQTAÝ. KAZINFORM – Mańǵystaýdaǵy Qyzylsaı aýylynda balabaqshadan aýyryp, aýrýhanaǵa túsken 3 búldirshin men 1 eresek úılerine jiberildi. Bul týraly oblystyq densaýlyq saqtaý basqarmasynyń basshysy Bekbolat Іzbasarov málemdedi. 

Alaıda balalardyń naqty neden ýlanǵany ázirge belgisiz kúıinde qalyp otyr. Taldaý qorytyndysy áli shyqqan joq. 

- Medıtsınalyq kómekke júgingen 37 adamnyń 7-eýi – eresek, qalǵandary – balalar, ıaǵnı 3-5 jas aralyǵyndaǵy búldirshinder. Olarda qusý, ish ótý, ish aýyrý belgileri bolǵan. Aýrýhanaǵa jatqyzylǵan tórt naýqas jaǵdaılary jaqsaryp, úılerine jiberildi, - deıdi basqarma basshysy.

Eske salaıyq, 31 qańtar kúni Jańaózen qalasyna qarasty Qyzylsaı aýylynda balabaqsha tárbıelenýshileri jappaı astan ýlanyp, jedel-járdem shaqyrǵan.