«Assyltas» qory 200 otbasyǵa qarjylaı kómek kórsetedi

NUR-SULTAN. QazAqparat - «Assyltas» qoǵamdyq qory elimizdegi jarııalanǵan tótenshe jaǵdaıǵa baılanysty qıyndyqqa tap bolǵan 200 otbasyny iriktep alyp, 25 myń teńgeden qarjylaı kómek úlestirmek. Olardyń arasynda kópbalaly otbasylar, jalǵyzbasty analar jáne ákeler bar, dep habarlaıdy QazAqparat tilshisi.

Úsh kún buryn qordyń bastamasymen qaıyrymdylyq aktsııasy bastalyp, halyqtyń kómegi arqyly 1 236 768 teńge jınalǵan. Qarjy jınaýǵa 351 adam járdemdesken. Bastapqyda ýáde etilgendeı, «Assyltas» qory jınalǵan qarjyny eki eselep, taǵy 100 otbasyǵa kómek qolyn sozbaq bolǵan.

«Úsh kún buryn biz bul aktsııany bastaǵan kezde qansha aqsha jınalsa, ústine sonsha qarjy bóletinimizdi aıtqanbyz. Halyqtyń yqylasy keń eken. Qaıyrymdy jandardyń arqasynda biz endi, mine 100 otbasyǵa kómektese alamyz, ótinishterdiń kóptigine baılanysty qor quryltaıshysy Dýlat Tastekeevpen keńese kele, bizdiń qor taǵy 100 otbasyǵa qarjylaı kómektespek. ıAǵnı, 200 otbasyǵa 25 myń teńgeden úlestiremiz», - dedi «Assyltas» qoǵamdyq qorynyń jetekshisi R.Oqas.

Kómek alý úshin qoǵamdyq qordyń elektrondyq poshtasyna 1 myńnan astam hat kelip túsken. Qor qyzmetkerleri aldaǵy 3 kúnde ótinishterdi qarastyryp, muqtaj 200 adamnyń tizimin jasaıdy.

Aıta keteıik, qoǵamdyq qor 2018 jyly qurylǵan. Ol mádenıet, óner, sport salalaryn qoldaýmen, kópbalaly analarǵa járdem kórsetýmen aınalysady. Atalǵan qor Qanat Islam, Jánibek Álimhanuly, Erasyl Qajybaev syndy tanymal sportshylardyń demeýshisi bolǵan. Jyl saıyn qordyń uıytqy bolýymen respýblıkalyq aqyndar aıtysy ótkizilip júr.

Eki jyldan beri Assyltas stıpendııasy sport, ǵylym, jýrnalıstıka jáne ádebıet salasynda júrgen azamattarǵa taǵaıyndalýda. Qazirgi tańda, qordyń qarjylandyrýymen Semeı qalasyndaǵy Ortalyq meshittiń qurylysy júrip jatyr.