Assanj ólim jazasyna kesilip, Internetten alastalýy múmkin
ASTANA. 25 aqpan. QazAqparat - Assanj London sotynda jeńilis taýyp, Shvetsııaǵa ekstradıtsııalanatyn boldy. Onyń qorǵaýshylarynyń apellıatsııa berýge jeti kúni bar.
Alaıda, sarapshylardyń aıtýynsha, istiń túbi jeńiliske ushyraýy múmkin, dep habarlady "Vestı FM" radıosy.
Belmarshte sot ǵımaraty aldyna Djýlıan Assanj tańerteń kúlimsirep kelgen bolatyn. Al bir saǵattan keıin oıynnyń bitkeni belgili boldy. «Vıkılıkstiń» negizin qalaýshysyn Shvetsııaǵa qaıtarý sheshimin qabyldaǵanda sýdıa Hoýard Rıddl qorǵaýshylardyń dálelin kúl-talqan etken bolatyn. Protsess barysynda Assanj qorǵaýshylary Shvetsııanyń tutqynǵa alý orderin buzýshylyqtarmen bergenin alǵa tartty. Al zorlaýǵa qatysy bar degen aıyp bolsa jalǵan, ári Assanjǵa renish bildirgen áıelderdiń qastandyǵy bolyp sanalady. Biraq London soty bul aqıqat dep sheshim qabyldady. Shvetsııanyń avstralııalyqty keri qaıtaryp alýyna tolyq negizdemesi bar jáne ol qanaǵattandyrylady.
2003 jyldan beri Eýroodaqtyń barlyq elderinde ekstradıtsııalaýdyń jańa erejeleri júzege asyrylyp keledi, osy aıyptalýlar boıynsha adamdar tez ári qarapaıym túrde beriledi. Ótken jyldyń ishinde Brıtanııadan Eýropanyń ózge elderiniń suraýymen 700 adam keri qaıtarylǵan bolatyn. Osy jyly solardyń qataryna «Vıkılıkstiń» negizin qalaýshy qosylýy múmkin. Sot sheshimine sáıkes, eger apellıatsııa qabyldanbasa, Assanj Stokgolmge 10 kúnniń ishinde jiberiledi.
