Assambleıanyń táýelsiz Qazaqstan tarıhyndaǵy róli talqylandy
Sharanyń shymyldyǵyn ashqan Qazaqstan halqy assambleıasy tóraǵasynyń orynbasary, QR Prezıdent Qazaqstan halqy assambleıasy hatshylyǵynyń meńgerýshisi Marat Ádilhanov uıymnyń táýelsiz Qazaqstan tarıhyndaǵy róli týraly baıandama jasady.
«Bıyl otanymyzdyń táýelsizdigine 30 jyl tolyp otyr. Tuńǵysh Prezıdent - Elbasynyń kóregen saıasatynyń arqasynda kóp etnosty, kóp konfessııaly Qazaqstan tatýlyq pen kelisimde ómir súrý modelin tańdady. Tarıhı turǵydan qysqa bolyp kórinse de, jas memleket tarıhy úshin múlde mańyzdy kezeńde jasalǵan tańdaý óziniń ómirsheńdigin dáleldedi. Táýelsizdiktiń alǵashqy jyldarynda Elbasy barlyq etnostardyń múddesin qorǵaýǵa qabiletti qoǵamdyq ınstıtýt qurý týraly tapsyrma bergen bolatyn. Osylaısha 1995 jyly Qazaqstan halqy assambleıasy quryldy. Assambleıa men onyń músheleri elimizdiń damýy men qalyptasýyna úlken úles qosyp otyr. Memleketimizdiń búgingi jetistikterin maqtan ete alamyz», - dedi Assambleıa tóraǵasynyń orynbasary.
Sondaı-aq, ol ǵylymı-saraptamalyq keńestiń ultty uystyrýdaǵy eńbgenie toqtaldy.
«Aýqymdy iske assambleıanyń belsendi músheleri de úles qosýda. Sonyń ishinde ǵylymı-saraptamalyq keńes te kóptegen jyldar boıy ónimdi jumys istep, túrli zertteýler ótkizip keledi. Keńes qalyptastyrǵan materıaldyń bári suranysqa ıe. Sondaı-aq, ol Qazaqstan halqy assambleıasy, onyń ishinde ǵylymı-saraptamalyq keńes te táýelsiz Qazaqstannyń ári qaraı damýyna úles qosa beredi», - dedi Marat Ádilhanov.
