Assambleıa jumysynyń nátıjesi elimizdegi beıbitshilik pen turaqtylyqtan kórinis taýyp otyr - ıÝ. Tımoşenko
Búgin Parlament Májilisindegi «Qazaqstan halqy Assambleıasy» depýtattyq tobynyń Eýrazııa ulttyq ýnıversıtetinde ótken kóshpeli otyrysynda Májilis depýtaty ıÝrıı Tımoşenko osylaı málimdedi.
«Qazaqstan halqy Assambleıasy jumysynyń basty nátıjesi - elimizdegi beıbitshilik pen birlik, tatýlyq pen turaqtylyq. Kelisim men beıbitshilik arqasynda elimizde turaqtylyq saqtalyp, Qazaqstandaǵy halyqtar memelkettik tildi de, óz ana tilderin de meńgerýge múmkindik alyp otyr. Sonyń ishinde Qazaqstan - óziniń qarajaty arqyly memlekettik tildi oqytyp kele jatqan birden bir memleket», - dedi depýtat ıÝ.Tımoşenko.
Onyń aıtýynsha, búgingi tańda Qazaqstanda barlyq etnos ókilderiniń mádenıeti saqtalyp, damýy úshin barlyq jaǵdaılar jasalǵan. Al óńirlerde qalyptasyp jatqan «Dostyq úıi» Qazaqstan halqy Assambleıasynyń jumysyn odan ári jetildirýge járdemshi bolady.
