Assambleıa Qostanaı oblysyndaǵy órtten zardap shekkenderge gýmanıtarlyq kómek jınap jatyr

NUR-SULTAN. QazAqparat – Qazaqstan halqy assambleıasy Qostanaı oblysyndaǵy órtten zardap shekkenderge gýmanıtarlyq kómek jınap bastaǵandaryn málim etti, dep habarlaıdy QazAqparat tilshisi.

«Qostanaı oblysy Áýlıekól aýdanyndaǵy oryn alǵan tabıǵı órt apatyna baılanysty Qazaqstan halqy Assambleıasy órt saldarynan zardap shekken halyqqa kómek kórsetý aktsııasy uıymdastyryp bastaǵany týraly habarlaıdy.

4 qyrkúıek kúni Nur-Sultan, Almaty, Shymkent qalalarynyń jáne barlyq oblystardyń Dostyq úılerindegi volonterlik ortalyqtardyń bazasynda qarajat pen qajetti zattardy jınaý úshin jedel shtabtar quryldy»,-dep jazady uıymnyń resmı saıty.

Assambleıa ókilderiniń aıtýynsha, jınalǵan kómek órtten kelgen shyǵynnyń ornyn toltyrýǵa baǵyttalmaq.

«Zardap shekken azamattarǵa úılerin, qojalyqtaryn, kıimderi men turmysqa kerek zattaryn qalpyna keltirý qajet. Osyǵan baılanysty qarajat jınaý basymdylyqta ekenin túsinip, ony arnaıy ashylǵan esep aıyrysý shotyna jiberseńizder bolady: 8 747 482 64 49

Bul jumysty úılestirý «Qoǵamdyq kelisim» mekemesine júkteldi.

Gýmanıtarlyq kómekti jınaý (kıim-keshek, azyq-túlik, gıgıenalyq quraldar, tósek-oryn jabdyqtary) kezinde týyndaǵan suraqtar boıynsha myna telefondar arqyly habarlasýǵa bolady: 8-705-558-05-08 – Ramazanova Natalıa Sergeevna, Qostanaı oblysynyń ákimdiginiń «Qoǵamdyq kelisim» KMM Qoǵamdyq damý departamentiniń basshysy», - dep jazylǵan málimdemede.