Ásire ońshyldardyń nemese sotsıalısterdiń ókili Portýgalııa prezıdenti bolýy múmkin

ASTANA. KAZINFORM — Sotsıalıstik partııanyń burynǵy bas hatshysy Antonıý Joze Segýrý men «Jetkilikti!» atty ásire ońshyl partııanyń jetekshisi Andre Ventýra Portýgalııa prezıdenti qyzmeti úshin baq synasady dep habarlaıdy TASS agenttigi.

Bul týraly eldiń Іshki ákimshilik mınıstrligi shamamen 99 paıyz bıýlleten óńdelgennen keıin jarııalaǵan aldyn ala derekterden belgili boldy.

Memlekettiń eń joǵary laýazymyna barlyǵy 11 kandıdat úmitker bolǵan, alaıda olardyń eshqaısysy birinshi týrda 50 paıyzdan astam daýys jınaı almady. Sonyń nátıjesinde 8 aqpanda elde ekinshi týr ótýi múmkin, oǵan saılaýshylardyń eń kóp qoldaýyna ıe bolǵan tek eki kandıdat qatysady. Mundaı jaǵdaı Ispanııada sońǵy ret 1986 jyly bolǵan eken.

Kandıdattar sany rekordtyq deńgeıge jetken jáne saılaýshylardyń qatysý kórsetkishi joǵary bolǵan qazirgi saılaýda kóshbasshylar qatarynda Segýrý (31 paıyz daýys) men Ventýra (23 paıyzdan astam) bar.

Qazirgi memleket basshysy Marselý Rebelý dı Soýza bul qyzmetke 2016 jyly kelgen, al 2021 jyly qaıta saılanǵan. Alaıda ol bul joly qaıtadan úmitker bola almady, sebebi jergilikti zańnamaǵa sáıkes bir tulǵanyń qatarynan úsh merzimge qaıta saılanýyna jol berilmeıdi.

Ventýra buǵan deıin prezıdenttik qyzmet «Portýgalııadaǵy oppozıtsııany basqarýdyń eń tıimdi joly» bolatynyn málimdegen. Sondaı-aq ol jeńiske jetken jaǵdaıda óz partııasynyń baǵdarlamasyn ilgeriletetinin aıtqan.

Al Segýrý — kópjyldyq saıası tájirıbesi bar saıasatker. Ol 2011–2014 jyldary Sotsıalıstik partııanyń bas hatshysy qyzmetin atqarǵan, sondaı-aq qazirgi tańda BUU-nyń Bas hatshysy bolyp otyrǵan Antonıý Gýterrısh basshylyq etken úkimet quramynda jumys istegen.

Aıta keteıik, byltyr jeltoqsan aıynda Madrıdte ondaǵan myń adam Ispanııa úkimetiniń otstavkaǵa ketýin talap etti.