Aspırınniń aıryqsha paıdasy anyqtaldy
ASTANA. QazAqparat - Eger adam turaqty túrde atsetılsalıtsıl qyshqyly - aspırındi qabyldap júrse, asqazannyń qaterli isigine shaldyǵý qaýpi 48 paıyzǵa azaıady eken. Bul týraly sheteldik BAQ jazady.
Bul zertteý amerıkalyq aýrýhanalardyń birinde júrgizilgen. Oǵan 1000-nan astam emdelýshi qatysypty. Bul zertteýdiń nátıjesi Amerıkanyń qaterli isikti zertteý qaýymdastyǵynyń Cancer Epidemiology, Biomarkers & Prevention basylymynda jarııalandy.
Meddaily.ru-dyń jazýynsha, aspırındi az mólsherde iship júrgen adamdardyń qaterli isikke shaldyǵý qateri tómen bolǵan. Al, ishpeı tastap ketkenderdiń bul dertke shaldyǵý qaýpi 3 esege deıin ósken.
Aıta keteıik, aspırın júrek qan tamyrlaryn emdeý kezinde emdelýshilerge kúnine 75-325 mg mólsherimen beriledi. Ony ár alty saǵat saıyn ishken adam kóp mólsherde qoldanǵan bolyp sanalady. Keı adamdarǵa bul dári keri áser etedi.
