Aspannan adam «jaýǵan» kún - VIDEO
ASTANA. QazAqparat - Qytaıda kórgen adamnyń janyn túrshiktiretin qaıǵyly oqıǵa oryn aldy, dep habarlady islam.kz.
Naqtyraq aıtqanda, asa iri jol-kólik apatynan on adam opat bolǵan. Kólikterdiń qatty soǵysqanynan adamdar bıik magıstraldan tómen qulaǵan. Bul kórinisti kýágerlerdiń biri dereý vıdeoǵa túsirip alyp, ǵalamtorǵa ornalastyrǵan eken.
Qytaıdyń Shenchjen Baoan halyqaralyq áýejaıyna kelgen adam birinshi qabatta turyp, terezeden kórgenderin telefonyna túsirip alǵan. biraq ol jerde bıikten qulaǵandardyń bári túspegen. Qulaǵan adamdardyń beseýi sol jerde til tartpaı ketken, qalǵan tórteýi aýrýhanaǵa jatqyzyldy. Taǵy beseýi aýyr jaraqat alǵan. Al osy apatqa kináli áıel júrgizýshiniń ózi zardap shekpegen.
Qazirgi ýaqytta ony tártip saqshylary tergep jatyr. Onyń kinásin jeńildetetin bir-aq jaıt bar: zardap shekkenderdiń túgeli derlik joldy kesip ótpek bolǵandar eken. Olar ushaqtardyń ushyp-qonýyn fotoǵa túsirip alamyz dep júrip, ózderine jaqyndap qalǵan avtokólikti baıqamaǵan.
