Aspandaǵy ushaqtyń vıdeosyn hımııalyq zat shashty dep oılaǵan: Qazaqstanda jańa feık tarady
NUR-SULTAN. QazAqparat - Qazaqstandyqtar áýege hımııalyq zattar shashý teorııasyn qaıta talqylaýda. Bul joly gıpoteza ushyp bara jatqan Boeing 787 Dreamliner jolaýshylar ushaǵynyń vıdeosymen dáleldenip otyr. Ol eshqandaı hımııalyq zattar shasha almaıdy, dep habarlaıdy bul habardy joqqa shyǵarǵan Stopfake.kz resýrsy.
Áleýmettik jelilerde jáne messendjerlerde taratylyp jatqan vıdeo eski. Ol 2017 jyldyń shildesinde shyqqan.
Sonymen qatar, túpnusqa rolıkte ushaqtyń artynda naqty kondensatsııa izi bar ekendigi kórsetilgen.
Kondensatsııalyq iz – atmosferanyń belgili bir jaǵdaılarynda qozǵalatyn ushatyn apparattardyń artynda atmosferada paıda bolatyn kondensatsııalanǵan ylǵaldan (tamshylardan nemese muz krıstaldarynan) turatyn aýada kórinetin iz.
Olar ushaq joǵary bıiktikke kóterilgende kórinedi.
Ondaǵy ylǵaldylyq shyq núktesinen tómen túsedi, al aýa temperatýrasy mınýs 30-dan tómen bolady.
Mundaı bıiktikte qandaı da bolmasyn zattardy shashý múmkin emes.
Sonymen qatar, Boeing 787 Dreamliner – jolaýshylar ushaǵy.
Onda hımııalyq zattary bar úlken rezervýarlardy jáne olardy jerge shashýǵa arnalǵan jabdyqty ornalastyratyndaı bos oryn joq.
Dál sol vıdeonyń qoldanýshylarǵa áser etkeni sonsha, 2017 jyly ol taǵy bir qastandyq teorııasynyń «dáleli» bolyp shyqty.
Adamdar osylaısha basqa planetalyqtardyń jerge kelýin túsindirýge tyrysqan .
