Aspandaǵy baılyq: Eń qymbat jekemenshik ushaq 64,5 mln. dollarǵa baǵalandy (FOTO)
ASTANA. 10 qarasha. QazAqparat - Elıtaly jekemenshik ushaqtarymen tanymal amerıkandyq Gulfstream korporatsııasy jýyrda óziniń jańa ónimin - G650 ushaǵyn tanystyrdy.
Bul naǵyz tehnologııalyq keremet, ol qazirdiń ózinde úlken suranysqa ıe bolýda, dep habarlady RBK.
Jańa ushaqtyń quny - 64,5 mln. dollar. Áýe kemeleriniń óndirisi bastalyp ta ketti. Boljam boıynsha, jyl sońyna deıin G650-diń 17 danasy daıyn bolady. Degenmen Gulfstream korporatsııasy biregeı ushaqtarǵa tapsyrys bergen adamdardyń esimderin qupııada ustaýda.
Gulfstream G650 ushaǵy dybys jyldamdyǵyna jaqyn jyldamdyqpen usha alady. Ushaq bagynyń syıymdylyǵy 13 myń shaqyrymǵa jetedi.
G650 basqa jekemenshik ushaqtardyń aldynda eń keń salonymen maqtana alady. Onda 8 jolaýshy men ekıpajdyń 4 múshesi ózderin jaıly sezine alady.
Ushaqtyń bortynda sondaı-aq jolaýshylardyń kóńilin kóterý úshin mýltımedıalyq júıe bar.
Atalmysh djet Rolls Royce BR725 A1-12 qozǵaltqyshymen jabdyqtalǵan.
