Aspan denelerine ǵalamtor arqyly ataý berilmek
ASTANA. 13 aqpan. QazAqparat - Plýton ǵalamsharynyń eki tabıǵı serigine ǵalamtordaǵy daýys berýdiń nátıjesi boıynsha at qoıylady.
Aspan deneleri kóne grek-rım mıfologııasyndaǵy keıipkerler esimimen atalýy kerek.
«Rosbalt» aqparat agenttiginiń habarlaýynsha, ázirshe «R4» jáne «R5» atalatyn Plýton serikterin ashqan mamandar olarǵa ataý berýdi ǵalamtor tutynýshylarynyń enshisine qaldyryp otyr. Ol úshin Pluto Rocks dep atalatyn saıt ashylǵan. Onda grek-rım ańyzdaryndaǵy óliler mekeni - Aıd patshalyǵymen baılanysty 12 keıipkerdiń aty berildi. Osylardyń arasynan kóp daýysqa ıe bolǵan eki esim aspan denelerine telinedi. Ázirshe Stıks jáne Tserber ataýlary kósh bastap keledi. Daýys berý aqpannyń 25-inde aıaqtalady. Aıta keteıik, Kún júıesindegi ergejeıli ǵalamsharlardyń irileriniń biri - Plýtonnyń bes tabıǵı serigi bar. Olardyń sońǵy ekeýi 2011 jáne 2012 jyldary ashyldy, dep jazady «Alash aınasy» gazeti.
